सायकल अपघातातील जखमीसाठी माणुसकी धावली

शिरुर कासार : सायकलवर जाताना अपघात होऊन जखमी झालेल्या व्यक्तीच्या छातीला मार लागला. रुग्णालयातील उपचाराचा खर्चही मोठा होता. मात्र परिस्थिती सर्वसाधारण असल्याने रुग्णालयाचा खर्च पेलवणारा नव्हता. त्यामुळे कोळवाडी (ता. शिरुर कासार) येथील युवकांनी सोशल मीडियाच्या माध्यमातून अवाहन केले आणि सामान्य कुटुंबातील व्यक्तीला ५१ हजार ५०० रुपयांची आर्थिक मदत देत आदर्श निर्माण केला.

कोळवाडी येथील बाळू सावंत यांचा आठ दिवसापूर्वी झापेवाडी फाट्यावर सायकलला अपघात झाला. यात त्यांच्या छातीला मार लागला. त्यांना बीड येथील खासगी रुग्णालयात उपचारासाठी दाखल केले. मात्र उपचाराचा खर्च मोठा होता. मजूर असलेले बाळू सावंत यांना उपचाराचा खर्च पेलवणारा नव्हता. त्यामुळे उसनवारी करुन रुग्णालयाचा खर्च केला खरा. पण घेतलेले पैसे कसे फेडायचे असा प्रश्न त्यांच्यासमोर होता. त्यांना भेटण्यासाठी गेलेले शहादेव घोडके यांच्याही बाब निदर्शनास आली. त्यानंतर गावातील तरुणांच्या सोशल मीडियावर त्यांनी मदतीचे आवाहन केले. गावातील तसेच इतर गावच्या युवकांनीही पुढाकार घेत ५१ हजार ५०० रुपयांची आर्थिक मदत जमा करुन आदर्श निर्माण केला.

जमा झालेली मदत २ जुलै रोजी बाळू सांवत यांना शहादेव घोडके, भिकनदास कोल्हटे, अप्पासाहेब पवने यांच्या हस्ते देण्यात आली. यावेळी सूर्यकांत नेटके, कोळवाडीचे उपसरपंच नारायण मानकर, देविदास नेटके, ग्रामपंचायत सदस्य युवराज नेटके, अप्पा पनवे, आजीनाथ सावंत, किरण जाधव, रमेश नेटके, काका कोल्हटे, महादेव पवने आदी यावेळी उपस्थित होते.

030721\img-20210703-wa0034.jpg

फोटो मदत देताना कोळवाडीतील तरूण