गृहकर्ज स्वस्त, पण बांधकाम साहित्य महाग; घर घेण्याचे स्वप्न कधी पूर्ण होणार?

बीड : एकीकडे शासन सर्वांना घरे देण्याची घोषणा करीत योजना राबवत असलेतरी सर्वसामान्यांना घर बांधणे कठीण झाले आहे. सिमेंट, स्टील, वाळू, खडी, मजुरीचे दर मोठ्या प्रमाणात वाढल्याने मागील तीन वर्षांत नवीन बांधकामांचा ओघ मंदावला आहे. विकासकांकडेही फ्लॉट, रो-हाउस, अपार्टमेंटची मागणी कमी आहे. यातच कोरोनामुळे मागील दीड वर्षात प्रत्येकाचे आर्थिक गणित बिघडल्याने प्रचंड महागाईत बांधकाम करण्याचे धाडस करणाऱ्यांचे प्रमाण कमालीचे घटले आहे. गृहकर्ज स्वस्त असलेतरी एकूण बांधकाम खर्चिक असल्याने बांधकाम अनेकांच्या घराचे स्वप्न सध्यातरी आवाक्याबाहेरच आहे. गृहकर्ज दर

स्टेट बँक ऑफ इंडिया - ६.७५

बँक ऑफ इंडिया - ६.८५

बँक ऑफ महाराष्ट्र - ६.९०

एचडीएफसी - ६.७५

आयसीआयसीआय - ६.७५

बांधकाम साहित्यांत स्वस्ताई नाहीच !

सिमेंट २०१८ २०१९ २०२० २०२१ जुलै

सिमेंट २९० ३१० ३५० ३५०

विटा ३५०० ३७०० ४२०० ६०००

वाळू ३००० ३५०० ५२०० ६०००

खडी १९०० १९०० २००० २५००

स्टील ३८०० ३९००० ४००० ५९००

----------------

विटा, वाळूचे दर दिवसेंदिवस महाग होत चालले आहे. सिमेंटचे पोते ४५० रुपयांपर्यंत खरेदी करावे लागले. मजुरीदरातही २० टक्के वाढ झाली. लोखंड ६ हजारापर्यंत घेऊन आर्थिक भार सोसत बांधकाम करत आहोत. या दरवाढीच्या नियंत्रणासाठी शासनाने लक्ष दिले तरच सामान्यांचे घराचे स्वप्न पूर्ण होऊ शकेल.

-गणेश (गोटू) संचेती, बीड

-----------

बांधकाम साहित्याचे दर दुपटीने वाढलेले आहेत. गृह कर्ज स्वस्त असलेतरी विविध कारणांमुळे सध्यातरी सामान्यांना घर बांधणे कठीण आहे. आमचेही नियोजन कोलमडले आहे.

- उमाकांत भावसार, बीड

------------

गावापासून दूर घरे स्वस्त पण जाणे येणे खर्चिक

शहरातील जागा घरे, दुकानांनी व्यापल्या आहेत. प्लॉट अथवा फ्लॅटही महाग आहेत. शहराबाहेर काही प्रमाणात प्लॉट, फ्लॅट स्वस्त आहेत. गृहकर्ज स्वस्त आहे. परंतु अंतर लांब असल्याने पेट्रोलचे भावही वाढत असल्याने येण्या- जाण्याचा खर्च वाढणार आहे.

----------

बांधकाम साहित्याचे दर मागील तीन वर्षांत ४० ते ५० टक्क्यांनी वाढले आहेत. यातच मजुरी वाढली आहे. खडी खदानीसाठी तसेच वाहतुकीसाठी लागणारा डिझेलखर्च वाढल्याने बांधकाम करणे दिव्य झाले आहे. त्याचा साहित्य विक्रीवरही परिणाम झाला आहे.

-दीपक दुग्गड, बांधकाम साहित्य विक्रेता, बीड

-------------