अश्विनीला शासनाकडून आर्थिक साहाय्य

नांदुरघाट : मेमध्ये अवकाळी पावसादरम्यान नांदुरघाट शिवारामध्ये गीताबाई ठोंबरे यांच्या अंगावर वीज पडून मृत्यू झाला. गीताबाई यांच्या पतीचे तीन वर्षांपूर्वी निधन झाले होते. या दाम्पत्याला सोळा वर्षांची एकच मुलगी अश्विनी असून आई-वडिलांचे छत्र हरवल्याने अनाथ झाली. तिच्या शिक्षणासाठी सामाजिक कार्यकर्ते अरविंद थोरात यांनी घटना झाल्याबरोबर किराणा व शालेय साहित्य दिले होत;. परंतु अश्विनीला मोठा आधार आवश्यक होता. याबद्दल स्थानिक पत्रकार अमोल जाधव यांनी केज विधानसभेच्या आ. नमिता मुंदडा व सामाजिक कार्यकर्ते नंदकिशोर मुंदडा यांच्याकडे व्यथा मांडली. यावर मुंदडा यांनी अश्विनीला शासन स्तरावर लवकरात लवकर मदत केली जाईल, असा शब्द दिला. नैसर्गिक आपत्ती व्यवस्थापनामधून मंडळ अधिकारी, तहसीलदारांचा अहवाल करून त्याचा सातत्याने पाठपुरावा करून अश्विनीला चार लाख रुपये मदत मंजूर करून घेतली. सोमवारी पिटीघाट येथे ज्येष्ठ सामाजिक कार्यकर्ते नंदकिशोर मुंदडा, मंडळ अधिकारी नन्नवरे, भाजपा तालुकाध्यक्ष भगवान केदार, डॉ. वसुदेव नेहरकर, अशोक मोराळे राजाभाऊ मुंडे , पिटी घाटचे सरपंच, उपसरपंच, ग्रामपंचायतचे सदस्य व ग्रामस्थांच्या उपस्थितीत तहसीलदार दुलाजी मेंडके यांच्या हस्ते अश्विनी ठोंबरे हिला चार लाख रुपयांचा शासकीय मदतीचा धनादेश देण्यात आला.

या रकमेमुळे अश्विनीच्या भविष्यातील बहुतांश चिंता मिटणार आहे.

050721\1625476787359_14.jpg