सोळा महिन्यांपासून पौर्णिमा वारी बंदच

....

महिला मजूर खुरपणीत व्यस्त

शिरूर कासार : पेरणी झालेल्या पिकाला गेल्या दोन दिवसांपासून पडत असलेल्या रिमझिम पावसाने दिलासा मिळाला आहे. आता खुरपणीची घाई सुरू असल्याने, महिला मजूर खुरपणीच्या व्यस्त असल्याचे दिसून येत आहे. दरम्यान, शेतकऱ्यांना मोठ्या पावसाची अपेक्षा आहे.

....

सायकल कोळपणीला शेतकऱ्यांची पसंती

शिरूर कासार : पाऊस पडल्यामुळे मजुरांची वाणवा जाणवत आहे. शेतकरी पिकातील तण काढण्यासाठी सायकल कोळपणी हा पर्याय निवडत आहेत. एक सायकल कोळप साधारणपणे चार ते पांच मजुरांच्या खुरपणीचे काम करीत असल्याचे शेतकरी ठकाराम कदम यांनी सांगितले.

...

शिक्षण पद्धती गुरुकुलाकडून घरकुलाकडे

शिरूर कासार : पूर्वी गुरुगृही जाऊन विद्यार्जन केले जायचे. त्याला गुरुकूल शिक्षण असे संबोधले जात असायचे. गुरुगृही राहून विद्यार्थी नव्हे, शिष्य म्हणून गुरू घरची सर्व कामे सेवाभाव या सदरातून करायची. गुरूंकडूनही अपेक्षारहित अध्यापन केले जायचे. शिक्षण संपल्यानंतर स्वखुशीने गुरुदक्षिणा देण्याची प्रथा होती. कालपरत्वे शिक्षण पद्धतीत बदल घडत गेले. शिक्षणाच्या सोयी वेगवेगळ्या माध्यमांआधारे सुरू झाल्या आहेत. शिक्षण पद्धती गुरुकुलाकडून घरकुलाकडे चालल्याचे सध्या चित्र आहे.

....

शाळा सुरू होण्याची पालकांना प्रतीक्षा

शिरुर कासार : सैनिकी शाळा, इंग्लिश स्कूल अशा शाळेत महागडे शिक्षण गळी उतरत आले. मात्र, गेल्या वर्षभराच्या काळात कोरोना महामारीने सर्वच पद्धती बंद केल्या. आता शाळाही बंद ठेवण्यात आल्या आहेत. शिक्षणाला पर्यायी व्यवस्था म्हणून ऑनलाइन शिक्षण सुरू झाले. यात शिक्षक व विद्यार्थी यांच्यात मोठा दुरावा निर्माण झाला. परिणामी, शिक्षकांबद्दलची आत्मीयता आदरभाव हा पडद्याआड जात आहे. विद्यार्थी घरीच बसून मोबाइलवर शिक्षण घेत आहेत. विद्यार्थी घरीच असल्याने, अनेक वेळा त्यांची हुल्लडबाजी पालकांची डोकेदुखी ठरत आहे. कोरोना संपून कधी एकदा शाळा सुरू होतात, याचीच प्रतीक्षा पालकांना आहे.