केज : बीडचे पोलिस अधीक्षक नवनीत काँवत यांच्या गाडीचा शनिवारी पहाटे साडेतीन वाजण्याच्या सुमारास केज येथे अपघात झाला. सुदैवाने, या अपघातात कोणतीही जीवितहानी झाली नाही. शुक्रवारी रात्री परळी येथील विद्यानगर भागात गोळीबाराची घटना घडल्यामुळे पोलिस अधीक्षक काँवत हे तातडीने परळी येथे गेले होते. परळीहून केज मार्गे बीडकडे परतत असताना केज येथील केजडी नदी ओलांडल्यानंतर हा अपघात झाला.
केजडी नदी ओलांडल्यानंतर लगेच रस्त्यावर डिव्हायडर सुरू झाला होता. चालकाच्या वेळेत लक्षात न आल्यामुळे त्यांची गाडी उजव्या बाजूने डिव्हायडरवर चढली आणि अपघात झाला. त्यांच्या गाडीच्या अगदी पाठीमागे बॉडीगार्डची गाडी होती, त्यामुळे डिव्हायडरवर चढलेली गाडी तत्काळ खाली घेण्यात आली. घटनेची माहिती मिळताच पोलिस निरीक्षक स्वप्नील उनवणे घटनास्थळी दाखल झाले आणि त्यांनी पोलिस अधीक्षकांशी चर्चा केली. त्यानंतर केज पोलिस ठाण्यात या अपघाताची नोंद करण्यात आली आणि पोलिस अधीक्षक बीडकडे रवाना झाले.
मी सुखरूप - एसपीअपघाताची माहिती मिळाल्यानंतर पोलिस अधीक्षक नवनीत काँवत यांच्याशी संपर्क साधला असता, त्यांनी ‘काळजी करण्याचे कारण नाही, मी सुखरूप आहे.’ तसेच, त्यांच्यासोबत असलेली त्यांची टीमही सुखरूप असल्याचे त्यांनी सांगितले. अपघाताची तीव्रता जास्त असूनही जीवितहानी न होण्याचे कारण सांगताना ते म्हणाले, ‘गाडीत बसलेल्या सर्वांनी सीट बेल्ट लावले होते. त्यामुळे गाडी डिव्हायडरवर आदळूनही कोणतीही अप्रिय घटना घडली नाही.’
Web Summary : SP Navneet Kanwat's car met with an accident near Kej after visiting Parli due to a shooting incident. Fortunately, no one was injured. The accident occurred when the car hit a divider. SP Kanwat confirmed everyone was safe due to wearing seatbelts.
Web Summary : गोलीबारी की घटना के बाद परली का दौरा करने के बाद एसपी नवनीत कांवत की कार केज के पास दुर्घटनाग्रस्त हो गई। सौभाग्य से, कोई घायल नहीं हुआ। हादसा तब हुआ जब कार डिवाइडर से टकरा गई। एसपी कांवत ने पुष्टि की कि सीटबेल्ट पहनने के कारण सभी सुरक्षित हैं।