भर पावसाळ्यात कडक उन्हाचे चटके

...

शिरूर-बीड रस्त्याची दुरवस्था

शिरूर कासार : शिरूरपासून बीड अवघे चाळीस किलोमीटरवर आहे. चाळीस ते पंचेचाळीस मिनिटांत बीडला पोहोचता येते. मात्र सध्या या रस्त्याची दुरवस्था बनली आहे. हे अंतर पार करण्यासाठी तब्बल दीड-पावणेदोन तासांचा कालावधी लागतो. यामुळे डिझेल, पेट्रोल खर्चात देखील वाढ होते. शिवाय कधी गाडी स्लिप होईल व अपघात घडेल याची शाश्वती देता येत नाही. तरी या रस्त्याची दुरुस्ती करावी, अशी मागणी होत आहे.

....

शेतकऱ्यांनी जास्तीत जास्त फळबाग लागवड करावी

शिरूर कासार : पारंपरिक शेती आता फारशी परवडत नसल्याने शेतकऱ्यांना फळबागा हा चांगला पर्याय आहे. शिवाय त्यात आंतरपिके सुध्दा घेता येतात. दीर्घकाळ उत्पन्न म्हणून फळबागा एक चांगला पर्याय असल्याने शेतकऱ्यांनी फळबाग लागवडीकडे आपले लक्ष केंद्रित करावे. तालुका कृषी कार्यालय यासाठी मार्गदर्शन करेल, असे आवाहन तालुका कृषी कार्यालयाकडून केले आहे.

...

झाडाखाली निंबोळीचा सडा

शिरूर कासार : बहुगुणी म्हणून कडू लिंबाच्या झाडाकडे पाहिले जाते. या झाडाचे लाकूड जसे कामाला येते, तसा त्याचा हिरवा पाला देखील विविध रोग निवारणासाठी वापरला जातो. निंबोळी अर्क तर शेतीपिकासाठी संजीवनी ठरत आहे. सध्या कडू लिंबाच्या झाडाखाली पिकलेल्या पिवळ्या व रसभरीत निंबोळ्यांचा सडा पडलेला दिसून येत आहे. त्या गोळा करून त्याचा अर्क तयार करून वापरल्यास औषधींच्या खर्चात बचत होईल, असा सल्ला कृषितज्ज्ञ देत आहेत.

....

दिव्या घाटाच्या दर्शनाला वारकरी पारखा

शिरूर कासार : माऊली पालखी सोहळ्यात पायी सहभागी होऊन सोमवारी हा सोहळा पुण्यावरून सासवडला जातो. वाटेत दिव्या घाटाचे विलोभनीय दर्शन घडत असते. मात्र यंदाही कोरोनामुळे वारकरी दिव्या घाटाच्या दिव्य दर्शनाला पारखा झाला असून जागेवरच त्या आठवणींना उजाळा देत समाधान मानत आहे.

...