पूर्णवादीच्या बोर्ड ऑफ मॅनेजमेंटची निवड

बीड : रिझर्व्ह बँकेच्या नवीन मार्गदर्शक सूचनेनुसार येथील पूर्णवादी नागरिक सहकारी बँकेच्या नवनिर्वाचित बोर्ड ऑफ मॅनेजमेंटच्या सदस्यांची निवड झाली. प्रशांत प्रभाकर अंबेकर, सीए एस. पी. लड्डा, निवृत्त न्या. अभिनंदन पाटांगणकर यांचा यात समावेश आहे.

रिझर्व्ह बँकेच्या नवीन मार्गदर्शक सूचनेनुसार राज्यातील ज्या बँकेच्या ठेवी शंभर कोटींपेक्षा जास्त आहेत, त्या सर्व सहकारी बँकांना संचालक मंडळाशिवाय नवीन बोर्ड ऑफ मॅनेजमेंट नेमण्याचे बंधनकारक केलेले आहे. आरबीआयच्या ३१ डिसेंबर २०१९च्या परिपत्रकानुसार बोर्ड ऑफ मॅनेजमेंटच्या सदस्यपदी निवड करताना विविध क्षेत्रातील अनुभवी व्यक्तींची निवड करावी, असे निर्देश देण्यात आलेले आहेत. बोर्ड ऑफ मॅनेजमेंटच्या सदस्यपदी निवड करताना बँकिंग क्षेत्राशी निगडित व प्रॅक्टिकल अनुभव असलेल्या प्रोफेशनल व्यक्तींची निवड करावी. या निवडीद्वारे बँकेच्या सर्वांगीण विकासासाठी प्रोफेशनल मॅनेजमेंट गठित करण्याबाबत स्पष्ट केले होते. त्यानुसार पूर्णवादी नागरी सहकारी बँकेने बोर्ड ऑफ मॅनेजमेंट गठित केले.

010721\1204263201_2_bed_10_01072021_14.jpeg

प्रशांत आंबेकर यांचा सत्कार