शहरातील बँकांमध्ये गर्दी कायम

हरभरा काढणीची शेतकऱ्यांची लगबग सुरू

अंबाजोगाई : तालुक्यात रब्बी हंगामाचा हरभरा काढण्यासाठी लगबग सुरू झाली आहे. मुडेगाव, ममदापूर पाटोदा, राडी, कुंबेफळ, सातेफळ, अकोला, तडोळा, धानोरा, अंजनपूर, कोपरा व परिसरात हरभरा काढणी सुरू आहे. आठवडाभरापूर्वीच्या पावसात अनेकांचे हरभरे भिजले होते. आता पुन्हा पावसात हरभरे भिजू नये, यासाठी काढणी सुरू आहे.

उघड्या डीपीने धोक्याची शक्यता

अंबाजोगाई : तालुक्यात बहुतांश ठिकाणी महावितरणच्या डीपी उघड्या स्थितीत आहेत. यातील अनेक डीपी सहजरीत्या हात पोहोचतील अशा अवस्थेत आहेत. यातील अनेक डीपींचे दरवाजे तुटून वर्षानुवर्षांचा कालावधी लोटला, त्या डीपींना दरवाजे बसले नाहीत. शेतात जाणारी लहान मुले, पशुधन हे कधीही उघड्या डीपीकडे जाऊ शकतात. संभाव्य धोका निर्माण होण्याची शक्यता निर्माण झाली आहे.

भाजीपालावर्गीय पिकांना फटका

अंबाजोगाई : तालुक्यात आठवडाभरापूर्वी झालेल्या अवकाळी व वादळी पावसामुळे शेतातील पिकांसह भाजीपाल्याचेही मोठ्या प्रमाणात नुकसान झाले आहे. त्यातच दररोज असणाऱ्या ढगाळ वातावरणाचा फटका भाजीपालावर्गीय पिकांना बसत आहे. ढगाळ वातावरणामुळे भाजीपाल्यावर आळीचा प्रादुर्भाव मोठ्या प्रमाणात वाढला असून, याचा मोठा फटका पालेभाज्यांसह फळभाज्यांना बसू लागला आहे. परिणामी बाजारातही भाजीपाल्यांचे दर घसरले आहेत.