कोरोना, डेंग्यूची लक्षणे सारखीच; तातडीने चाचणी करून घ्या !

लोकमत न्यूज नेटवर्क

बीड : जिल्ह्यात सध्या कोरोनाची रुग्णसंख्या अद्यापही आटोक्यात आलेली नाही. त्यातच कोरोना आणि डेंग्यूची लक्षणे सारखीच असल्याने कोणती तपासणी करावी, असा प्रश्न निर्माण होत आहे; परंतु थोडाही त्रास झाला तरी डॉक्टरांच्या सल्ल्याने आरोग्य तपासणी करून तत्काळ निदान करावे व उपचार करून घ्यावेत, असे आवाहन आरोग्य विभागाने केले आहे. नागरिकांनीही काळजी घेण्याचे आवाहन केले आहे.

सर्दी, खोकला व ताप

अंग लाल होणे, लघवी व नाकातून रक्त येणे, थंडी वाजणे, एक दिवसाआड ताप येणे, उच्च ताप येणे, उलटी, मळमळ, लाल डोळे होणे, हाताचे तळवे लाल दिसणे, ही डेंग्यूची लक्षणे आहेत.

ताप, श्वास घेण्यास त्रास, सर्दी, खोकला, दम लागणे, सहा मिनिटे वॉक केल्यानंतर धाप लागणे, ही कोरोनाची लक्षणे.

डासांपासून सावध राहा

आठवड्यातून एक दिवस कोरडा पाळणे, डासांची उत्पत्ती रोखणे, घराभोवती व परिसर स्वच्छ ठेवणे, पाणी साचू न देता वाहते ठेवणे, छतावरही पाणी साचू देऊ नये, नारळ करवंट्या, प्लास्टिकचे कंटेनर नष्ट करणे आदी काळजी घेणे गरजेचे आहे. थोडाही त्रास झाल्यास डॉक्टरांचा सल्ला घ्यावा, असे तांत्रिक विभाग प्रमुख माजीज शेख यांनी सांगितले.

काळजी अन् सल्ला घ्या

कोरोना आणि डेंग्यूची काही लक्षणे सारखीच असली तरी चाचणी वेगळी आहे. मागील तीन वर्षांत डेंग्यूचा एकही बळी गेलेला नाही. आतापर्यंत केवळ दोनच रुग्ण आढळले आहेत. यावर उपाययोजना केल्या जात आहेत. नागरिकांनीही काळजी अन् सल्ला घ्यावा.

- डॉ. मिर्झा बेग, हिवताप अधिकारी

चाचणी कुठली?

कोरोनासाठी- अँटिजन, आरटीपीसीआर

डेंग्यूसाठी - एलायझा चाचणी

डेंग्यूचे रुग्ण

१८८

३९

२