केजमध्ये भरला मंगळवारचा आठवडे बाजार

केज : लॉकडाऊन शिथिल केल्यानंतर केज शहरातील मंगळवार पेठेत मंगळवारचा आठवडे बाजार भरल्याने नागरिकांनी खरेदीसाठी गर्दी केली होती. त्यामुळे कोरोनाच्या काळात थांबलेले जनजीवन पुन्हा पूर्वपदावर येत असल्याचे चित्र दिसून येत आहे.

केज शहरातील मंगळवार पेठेत दर मंगळवारी आठवडे बाजार भरतो. या बाजारपेठेत होणाऱ्या आर्थिक उलाढालीवर शेतकरी ,मजूर ,कामगार यांचे आठवडाभराचा घरखर्च चालतो. मात्र कोरोनाच्या पार्श्वभूमीवर आठवडे बाजार बंद केल्याने दोन महिन्याच्या कालावधीत आठवडे बाजार भरले नाही. त्यामुळे शेतकऱ्यांना त्यांनी उत्पादित केलेल्या शेतीमालाची विक्री करता आली नाही. त्यामुळे अनेकांच्या हातचा रोजगार बंद झाला होता. मात्र लॉकडाऊन शिथिल झाल्यानंतर केज शहरातील मंगळवार पेठेतील मंगळवारचा आठवडे बाजार भरल्याने बाजारात भाजीपाला विक्री करण्यासाठी तालुक्यातील शेतकरी ,भाजीपाला विक्रेत्यांनी सकाळीच बाजारात हजेरी लावली होती. तर खरेदीसाठी नागरिकांनीही गर्दी केली होती. मंगळवारचा आठवडे बाजार भरल्याने ठप्प झालेले जनजीवन पुन्हा पूर्वपदावर येत असल्याचे चित्र दिसून आले.

सामाजिक अंतराची ऐसीतैशी

शहरातील मंगळवार पेठेत आठवडे बाजार सकाळी भरल्याने बाजार करण्यासाठी बाजारात बाजारकरूंनी गर्दी केली होती. मात्र बाजार करताना कोरोना नियमांना बगल दिली जात असल्याचे चित्र दिसून आले. अनेक जण विनामास्क फिरताना व गर्दी करत असताना दिसून आले.

===Photopath===

150621\img_20210615_144826.jpg

===Caption===

केज शहरातील मंगळवार पेठेत दोन महिन्याच्या विश्रांती नंतर भरलेला मंगळवारचा आठवडी बाजार.