माजलगाव नगरपालिकेसमोर ‘प्रहार’चे बोंब मारो आंदोलन

लोकमत न्यूज नेटवर्क

माजलगाव : माजलगाव नगरपालिकेने २०१७ ते २०१९ या वर्षात साडेचार लाख रुपये अपंगाचा ५ टक्के निधी वाटप केला नाही. याच्या निषेधार्थ मंगळवारी प्रहार जनशक्ती पक्षाच्या वतीने माजलगाव नगर परिषदेवर बोंब मारो आंदोलन करण्यात आले.

माजलगाव प्रहार जनशक्ती पक्षाच्या वतीने दोन वर्षांचा अपंगांचा ५ टक्के निधी वाटप करण्यास टाळाटाळ करीत होते. याबाबत प्रहार जनशक्ती पक्षाच्या वतीने अनेक वेळा निवेदने देऊनही नगरपालिका प्रशासनाकडे दुर्लक्ष करताना दिसत होते. त्यामुळे प्रहार जनशक्ती पक्षाच्या वतीने मंगळवारी नगरपालिकेसमोर आंदोलन केले. तत्कालीन मुख्याधिकाऱ्यांनी अपंग निधी वाटप केला नाही. त्या मुख्याधिकाऱ्यांवर गुन्हा दाखल करावा, अशी मागणी निवेदनाद्वारे केली.

तालुकाध्यक्ष गोपाळ पैंजणे यांच्या नेतृत्वाखाली हे आंदोलन करण्यात आले. यावेळी युवक तालुकाध्यक्ष संभाजी ईदगे, कार्याध्यक्ष दिगंबर मांडवगणे, शहराध्यक्ष मुस्ताक कुरेशी, अपंग बांधव गणेश शिंदे व पदाधिकारी उपस्थित होते.

===Photopath===

010621\purusttam karva_img-20210601-wa0030_14.jpg

===Caption===

अपंगाचा निधी तातडीने वाटप करावा, या मागणीसाठी प्रहार जनशक्ती पक्षाच्यावतीने माजलगाव नगरपरिषदेवर बोंब मारो आंदोलन करताना कार्यकर्ते.