एक ऑगस्ट रोजी शिरूरमध्ये लोकन्यायालय - A - A

शिरूर कासार : उच्च न्यायालयाच्या आदेशानुसार व जिल्हा न्यायालयाने दिलेल्या सूचनेनुसार १ ऑगस्ट रोजी शिरूर कासार येथील न्यायालयात लोकन्यायालयाचे आयोजन करण्यात आले असून, त्याचा पक्षकारांनी जास्तीत जास्त लाभ घेण्याचे आवाहन येथील विधी सेवा समितीचे अध्यक्ष तथा न्यायाधीश ए. टी. मनगिरे यांनी केले आहे. न्यायालयात असणारे प्रलंबित दिवाणी दावे, दाखल पूर्व प्रकरणे, बँकेची कर्ज प्रकरणे, चेकबाबतची प्रकरणे, ग्रामपंचायत, नगरपंचायतची थकबाकी प्रकरणे, घरगुती कौटुंबिक वाद, पोटगीची प्रकरणे आणि तडजोडपात्र फौजदारी प्रकरणे हे सामोपचाराने आपसात तडजोड करण्यासाठी १ ऑगस्ट रोजी सकाळी १० वाजता लोकन्यायालयाचे आयोजन कोविड १९ या आजाराच्या बाबतीत असणाऱ्या सर्व नियमावलींचे पालन करून करण्यात आले. पक्षकारांनी आपली न्यायालयात दाखल असलेली व दाखल पूर्व प्रकरणे हे लोकन्यायालयाच्या माध्यमातून आपसात तडजोड करून घ्यावीत. न्यायालयात येताना प्रत्येक व्यक्तीने मास्क लावणे, आपसात वैयक्तिक अंतर राखणे व हँड सॅनिटायझरने हात स्वच्छ धुऊनच प्रवेश करावा आणि लोकन्यायालयाचा लाभ घ्यावा, असे आवाहन न्यायाधीश ए. टी. मनगिरे यांनी केले आहे.

गुरू-शिष्यात कोरोनाने निर्माण केला दुरावा

शिरूर कासार : शुक्रवारी गुरु पौर्णिमा होती. मात्र, कोरोनामुळे गुरू-शिष्यातदेखील दुरावा निर्माण झाला होता, यातून मधला मार्ग म्हणून गुरु पौर्णिमा महती शिष्यांना ऑनलाइन पद्धतीने सांगितली. मात्र, ही सुविधा सर्वसामान्य भक्तांकडे नसल्याने गुरूचे दर्शन कित्येकांना घेता आले नाही. पंढरपूर निवासिनी भागवताचार्य साध्वी अनुराधा दीदी यांनी आपल्या समाजबांधवांसह शिष्य परिवाराला ऑनलाइन पद्धतीने प्रवचन सांगितले. कार्यक्रमाचे आयोजन दिव्यराधा सत्संग परिवाराने केले होते. यात काही शिष्यांनी आपले मनोगत व्यक्त केले. अनिल शेटे (बीड), शिवाजी काटकर शिरूरकर, महारुद्र वीर, रवींद्र शिनगारे, सचिन भांडेकर यासह शिष्य परिवाराचा यावेळी सहभाग होता. सूत्रसंचालन अभय कुंभकर्ण यांनी केले.

240721\00215942img-20210723-wa0069.jpg

भागवताचार्या साध्वी अनुराधा दिदी यांचे आॅनलाईन प्रवचन गुरूपौर्णीमा निमित्ताने