निरोगी आयुष्य जगण्याचा विविध डॉक्टरांचा सल्ला

अंबेजोगाई : येथील रोटरी क्लब ऑफ अंबेजोगाई सिटीच्या वतीने डॉक्टर्स डे व सीए डेच्या निमित ‘आरोग्यम् धनसंपदा’ या उपक्रमाचे आयोजन करण्यात आले होते. या वेळी रोटरीकडून डॉक्टर व चार्टर्ड अकाउंटंटचा सन्मान करण्यात आला. या कार्यक्रमात उपस्थित डॉक्टरांनी आपल्या मनोगतामधून निरोगी आयुष्य जगण्याचा सल्ला दिला.

यावेळी प्रमुख अतिथी म्हणून डॉक्टर्स संघटनेचे डॉ.राजेश इंगोले, डॉ.अतुल देशपांडे, रोटरीचे अध्यक्ष विवेक गंगणे, सचिव प्रा.रोहिणी पाठक, प्रकल्प संचालक डॉ.नवनाथ घुगे, सचिन बेंबडे, राम सारडा आदी उपस्थित होते. यावेळी नूतन अध्यक्ष विवेक गंगणे व सचिव प्रा.रोहिणी पाठक यांचा सत्कार माजी सचिव कल्याण काळे, उपाध्यक्ष स्वप्निल परदेशी भागवत कांबळे, मोईन शेख, शकील शेख, प्रमोद पारीख, गणेश राऊत, भीमाशंकर शिंदे, अंगद कराड यांनी केला. प्रास्ताविक प्रा.रोहिणी पाठक यांनी केले. संचलन प्रा.सचिन कऱ्हाड यांनी केले. अनिरुद्ध चौसाळकर यांनी आभार मानले.

या प्रसंगी रोटरीचे ॲड.अनंतराव जगतकर, प्राचार्या डॉ.कल्पना मुळावकर, डॉ.डी.एच.थोरात, प्रवीण चोकडा, जगदीश जाजू, अंगद कऱ्हाड, गोरख मुंडे, प्रदीप झरकर, डॉ.अनिल केंद्रे, अनिरुद्ध चौसाळकर यांच्यासह रोटरीचे सदस्य उपस्थित होते.

या कार्यक्रमात डॉ.राजेश इंगोले यांनी ‘जीवनशैली : मन करा हो प्रसन्न सर्व सिद्धीचे कारण’, डॉ.अतुल देशपांडे यांनी ‘आयुर्वेद आणि आरोग्य’, डॉ.नवनाथ घुगे यांनी ‘हृदयरोग होण्याची कारणे, लक्षणे व प्रथोमपचार’, डॉ.अतुल शिंदे यांनी ‘मधुमेहामुळे होणारे दुष्परिणाम’, डॉ.श्रीनिवास रेड्डी यांनी ‘लहान मुलांची कोविड डेल्टामध्ये संसर्ग होण्याची कारणे व लक्षणे’, डॉ.बालासाहेब लोमटे यांनी ‘सद्यस्थितीत कोविड लसीकरणाचे महत्त्व आणि त्यावरील लोकांची अंधश्रद्धा निर्मूलनाची गरज’, डॉ.संजय शेटे यांनी ‘रोगाचे अचूक निदान, सामान्य आजारांची वारंवारिता’ या विषयावर सविस्तर मार्गदर्शन केले. डॉ.सुरेश अरसुडे, डॉ.केंद्रे, सचिन बेंबडे यांनी मनोगत व्यक्त केले.

020721\avinash mudegaonkar_img-20210702-wa0001_14.jpg