१४० कोरोनामुक्त, तर १२० नवे रुग्ण

बीड : जिल्ह्यात शनिवारी १४० रुग्ण कोरोनामुक्त झाले, तर १२० व्या रुग्णांची भर पडली. आतापर्यंत एकूण बाधितांचा आकडा ९२ हजार ३६० इतका झाला असून यापैकी ८८ हजार ७६२ रुग्ण कोरोनामुक्त झाले आहेत. मागील चोवीस तासांत ३ व जुने २३ अशा एकूण २६ मृत्यूची नोंद आरोग्य विभागाकडे झाली. नव्या रुग्णांची संख्या कमी झाल्याने आता एक हजार ६६ रुग्ण उपचाराधीन असल्याची माहिती जिल्हा आरोग्य अधिकारी डॉ. राधाकिशन पवार यांनी दिली.

शुक्रवारी ३ हजार ८५२ संशयितांची कोरोना चाचणी करण्यात आली. याचे अहवाल शनिवारी दुपारी प्राप्त झाले. यात १२० पॉझिटिव्ह, तर ३ हजार ७३२ जण निगेटिव्ह आले. बाधितांमध्ये अंबाजोगाई तालुक्यात ५, आष्टी ३३, बीड १४, धारुर ७, गेवराई १६, केज ६, माजलगाव ६, पाटोदा ८, परळी ८, शिरुर ७ आणि वडवणी तालुक्यातील १० जणांचा समावेश आहे.

मागील चोवीस तासानत कोरोनामुळे ३ रुग्णांचा मृत्यू झाला, तसेच जुने २३ अशा एकूण २६ रुग्णांच्या मृत्यूची नोंद आरोग्य विभागाच्या पोर्टलवर झाली. मृतांमध्ये गेवराई तालुक्यातील मादळमोही येथील ५२ वर्षीय महिला, खरमाटा येथील ६५ वर्षीय महिला व आष्टी शहरातील ६५ वर्षीय पुरुषाचा समावेश आहे. एकूण बाधितांचा आकडा ९२ हजार ३६० इतका झाला असून यापैकी ८८ हजार ७६२ रुग्ण कोरोनामुक्त झाले आहेत. एकूण बळींचा आकडा २ हजार ५३२ इतका झाला आहे. सध्या १०६६ जणांवर उपचार सुरू आहेत.