काजळ लावताना !

लावलेले काजळ जास्तकाळ टिकत नाही आणि ३-४ तासांनंतर डोळ्यांच्या भोवताली पसरते.

च�

��हऱ्याचे सौंदर्य वाढविण्यासाठी डोळे आकर्षक असणे गरजेचे असते. त्यासाठी बहुतेक तरुणी डोळ्यांना काजळ व आयलायनर लावतात. मात्र, बऱ्याचदा लावलेले काजळ जास्तकाळ टिकत नाही आणि ३-४ तासांनंतर डोळ्यांच्या भोवताली पसरते. यामुळे सौदर्य खुलण्या ऐवजी खराब दिसते. हे काजळ स्प्रेड होऊ नये म्हणून चांगल्या दर्जाचे काजळ वापरणे खूप आवश्यक असते. शिवाय काजळ लावताना काही काळजी घेणेही गरजेचे असते. यासाठी आम्ही आपणास काही खास टिप्स देत असून त्या फॉलो केल्यास काजळ व्यवस्थित टिकण्यास मदत होईल. 



* डोळ्यांचा खालचा भाग स्वच्छ व कोरडा करुन काजळ लावा. शिवाय तेथील आॅईल ग्लँड्समधून अतिरिक्त तेल बाहेर पडणार नाही ही काळजी घ्या. यासाठी चेहरा स्वच्छ धुवून तो कोरडा करा. यानंतरच डोळ्यांना काजळ लावा.

* डोळ्यांभोवतालचा ओलावा दूर करण्यासाठी पापण्यांवर व डोळ्यांच्या दोन्ही कडांना पावडर लावूनच काजळ लावा. यामुळे काजळ पसरणार नाही. काजळ लावल्यानंतर अतिरिक्त पावडर ब्रशने पुसून घ्या.

* डोळ्यांच्या आतील भागात ओलसरपणा जास्त असतो. त्यामुळे आतील भागात काजळ पसरण्याची भीती जास्त असते. 

* बऱ्याचजणांच्या डोळ्यांना पापण्यांजवळ तेलकटपणा असतो. यामुळे डोळे निस्तेज दिसण्याची शक्यता असते. जर तुमच्या पापण्यांजवळ तेल असेल तर कापसाच्या बोळाने ते नियमित टीपा.

* काजळ लावताना चांगल्या दर्जाचेच लावा. हलक्या दर्जाचे काजळ वापरले तर डोळ्यांना इजा होण्याची, खाज येण्याची शक्यता अधिक असते. शिवाय डोळ्यांवर जाडसर आयलायनर लावयचे झाल्यास  स्मज-फ्री काजळ पेन्सिल वापरा.