'या' मेकअप प्रोडक्ट्साठी क्रेझी आहे जान्हवी कपूर; मेकअप आर्टीस्टने केला खुलासा!

'धडक' चित्रपटातून बॉलिवूडमध्ये दणक्यात पदार्पण करणारी आणि दिवगंत अभिनेत्री श्रीदेवी यांची मुलगी, अभिनेत्री जान्हवी कपूर सध्या आपल्या नव्या प्रोजेक्ट्सची निवड करण्यात बिझी आहे. चित्रपटांव्यतिरिक्त जान्हवी लॅक्मे फॅशन वीकसारख्या मोठ्या इव्हेंट्समध्ये रॅम्प वॉक करताना दिसली आहे. यावरून हे सिद्ध होतं की, जान्हवी इंडस्ट्रीमध्ये आपला जम बसवण्याच्या तयारीत आहे.

View this post on Instagram

जान्हवी फॅन्समध्ये अभिनय, डान्स यांव्यतिरिक्त तिची फॅशन आणि मेकअपसाठीही प्रसिद्ध आहे. काही दिवसांपूर्वीच प्रसिद्ध इंग्रजी वेबसाइट idiva.com ला जान्हवी कपूरचे आवडते मेकअप आर्टीस्ट वरदान नायक यांनी मुलाखत दिली. या मलाखतीमध्ये वरदानने जान्हवीचा मेकअप लूक आणि मेकअप करताना कोणत्या गोष्टी सर्वाधिक आवडतात त्याबाबत सांगितले. 

मागील 16 वर्षांपासून इंडस्ट्रिमध्ये काम करत असलेल्या वरदान याने सांगितले की, तिला स्मोकी आय असलेला लूक सर्वात जास्त आवडतो आणि हा तिचा सिग्नेचर ब्युटी लूकही आहे. जान्हवीबाबत सांगताना वरदानने सांगितले की, 'जान्हवी खूप टॅलेन्टेड आणि मेहनती आहे. जर तिच्या मेकअपबाबत बोलयचं झालचं तर मी तिच्यावर वेगवेगळ्या मेकअप आणि लूक्सबाबत एक्सपरिमेंट करू शकतो. ती माझ्यावर विश्वास ठेवून मला मेकअप करताना स्वातंत्र्य देते.'

मेकअपच्या बाबतीत जान्हवीचा माझ्यावर प्रचंड विश्वास आहे. मेकअप करताना तिची एकच डिमांड असते की, 'मला हायलायटरमध्ये बुडवलं तरी चालेलं.' गालांवर जास्त प्रमाणात हायलायटर लावणं जान्हवीला फार आवडतं. या एका मेकअप प्रोडक्टशिवाय तिला मेकअप पूर्ण झाल्यासारखं वाटतचं नाही. 
जान्हवीशिवाय वरदानने ईशा अंबानीबाबतही सांगितलं. अंबानींच्या कुटुंबात मागील वर्षात जेवढे कार्यक्रम पार पडले त्यामध्ये अंबानींच्या लाडक्या ईशाचा मेकअप वरदाननेच केला होता. 

View this post on Instagram

वरदानच्या इन्स्टाग्राम अकाउंटवर ईशा अंबानीचे अनेक फोटोदेखील आहेत. ईशाव्यतिरिक्त आलिया भट्ट, जॅकलीन फर्नांडिस, कियारा अडवानी, परिणीती चोप्रा यांसारख्या सेलिब्रिटींचे मेकअपही वरदानने केले आहेत.