'व्हॅलेंटाइन डे' अवघ्या काही दिवसांवर येऊन ठेपला आहे. तुम्हीही तुमच्या पार्टनरसोबत बाहेर जाण्यासाठी खास प्लॅन केला असेलच. पण या व्हॅलेंटाइन डेसाठी तुमच्या चेहऱ्यासोबतच नखांच्या सौंदर्यावरही लक्ष दिलं तर तुमचा लूक आणखी सुंदर दिसेल. अनेकदा आपण आपल्या चेहऱ्याचा लूक आणखी चांगला कसा होईल याकडे जास्त लक्ष देतो. पण अशातच नखांकडे मात्र दुर्लक्ष करतो.
चेहऱ्याचं सौंदर्य वाढविण्यासाठी ज्याप्रमाणे आपण मेकअपचा आधार घेतो. त्याचप्रमाणे हातांचं सौंदर्य वाढविण्यासाठी नेलपेंट किंवा नेलपॉलिशचा वापर करण्यात येतो. नखांचं सौंदर्य वाढविण्यासाठी अनेक मुली नेलपॉलिशचा वापर करतात. सध्या नेलपेंट आणखी आकर्षक पद्धतीने लावण्यासाठी नेल आर्ट करण्यात येतं. 'व्हॅलेंटाइन डे'साठी खास लूक करण्यासाठी तुम्हीही नेल आर्टच्या मदतीने तुमच्या चेहऱ्याच्या सौंदर्यासोबतच नखांचं सौंदर्यही खुलवू शकता. त्यासाठी आम्ही तुम्हाला काही खास नेल आर्ट्स डिझाइन्स सांगणार आहोत. ज्यांचा वापर करून तुम्ही तुमचा कम्पलिट 'व्हॅलेंटाइन डे' लूक मिळवू शकता.
अनेकदा नेलपेंट विकत घेताना अनेक प्रश्नांचा सामना करावा लागतो. कोणता शेड आपल्या नखांवर शोभून दिसेल? किंवा आपल्या स्किन टोनला कोणती नेलपेंट सूट होईल? याबाबत गोंधळ उडतो. नेलआर्टबाबतही काहीसं तसचं असतं. कोणती डिझाइन करायची? नखांवर सूट होईल ना? यांसारखे अनेक प्रश्न भंडावून सोडतात. आम्ही काही सिंम्पल नेलआर्ट डिझाइन्स सांगणार आहोत. ज्यांचा वापर करून तुम्ही नक्कीच तुमचा लूक आणखी सुंदर करू शकता.
याव्यतिरिक्त नखांची काळजी घेण्यासाठी काही टिप्स :
1. आठवड्यातून एकदा तरी हातांना मालिश करा, त्यामुळे ब्लड सर्क्युलेशनमध्ये वाढ होण्यास मदत होते. फक्त हातांनाच नाही तर नखांनाही मालिश करणं आवश्यक असतं. त्यामुळे नखांच्या वाढिसोबतच नखं आकर्षक होण्यासही मदत होतं.
2. नेल पॉलिश अधिकाधिक वेळ नखांवर टिकवून ठेवण्यासाठी नेल पॉलिश लावल्यानंतर ती व्यवस्थित सुकू द्या. त्यानंतर बर्फाच्या पाण्यामध्ये 30 सेकंदांसाठी ठेवा.
3. नेल पॉलिश जेव्हा नखांवरून निघू लागेल त्यावेळी टचअप न करता. नेलपेंट रिम्हूवर वापरून ती काढून टाका आणि पुन्हा नेटपेंट नव्याने लावा. त्याच नेलपेंटवर टचअप केल्याने नखांचा लूक बिघडू शकतो.
4. आपल्या नखांना मजबूत ठेवण्यासाठी आणि तुटण्यापासून वाचवण्यासाठी सफरचंदाच्या व्हिनेगरचा वापर करा. यासाठी अर्धा कप सफरचंदाचं व्हिनेगर आणि अर्धा कप ऑलिव्ह ऑइल मिक्स करा. त्यामध्ये 10 मिनिटांपर्यंत हात बुडवून ठेवा. त्यानंतर 5 मिनिटं हलक्या हाताने नखांवर मसाज करा. त्यानंतर कोमट पाण्याने नखं स्वच्छ धुवून टाका.
5. नखांची देखभाल करण्यासाठी नारळाचं तेल वापरा नारळाचं तेल नखांसाठी फार फायदेशीर ठरतं. दररोज रात्री झोपण्यापूर्वी नारळाचं तेल नखांना लावून मसाज केल्यानंतर नखं मजबूत होण्यास मदत होते. तसचे नेलपेंट लावल्यानंत स्मूद लूक मिळण्यास मदत होते.
6. जर तुम्ही नेल आर्ट करण्याचा विचार करत असाल तर डार्क कलरच्या नेलपेंटचे दोन कोट लावा. व्यवस्थित सुकल्यानंतर टूथपिकच्या मदतीने नखांवर डिझाइन करा. त्यामुळे नेल आर्टच्या डिझाइनने नखांना त्रास होणार नाही.
7. ऑलिव्ह ऑइल नखांच्या मजबूतीसाठी फार फायदेशीर असतं. लिंबाच्या रसामध्ये थोडं ऑलिव्ह ऑइल मिक्स करून नखांना मसाज करा. यामुळे नखं चमकदर होण्यास मदत होईल.
आणखी काही नेलआर्ट डिझाइन :