Beauty : सौंदर्य खुलविण्यासाठी उर्वशी रौतेला वापरते ‘ही’ वेदनादायी थेरेपी !
By ऑनलाइन लोकमत | Published: June 27, 2017 7:15 AM
बॉलिवूडमध्ये अशा काही अभिनेत्री आहेत त्या आपले सौंदर्य कायम टिकवून ठेवण्यासाठी असे काही उपाय करतात, याची आपण कल्पनाही करु शकणार नाहीत.
Beauty : सौंदर्य खुलविण्यासाठी उर्वशी रौतेला वापरते ‘ही’ वेदनादायी थेरेपी !
अभिनेत्रीचे नाव ऐकताच आपल्या डोळ्यासमोर येते ते त्यांचे सौंदर्य. अभिनेत्रींच्या सौंदर्याची नेहमी चर्चा होत राहते. विशेष म्हणजे त्या देखील आपले सौंदर्य टिकविण्यासाठी तेवढे प्रयत्न करतात. बॉलिवूडमध्ये अशा काही अभिनेत्री आहेत त्या आपले सौंदर्य कायम टिकवून ठेवण्यासाठी असे काही उपाय करतात, याची आपण कल्पनाही करु शकणार नाहीत. त्यापैकीच एक अभिनेत्री म्हणजे उर्वशी रौतेला होय. उर्वशीने आपले सौंदर्य टिकवून ठेवण्यासाठी जी पद्धत निवडलेली आहे ती म्हणजे कपिंग थेरेपी होय. ही एक चायनीज रिलॅक्सेशन थेरपी आहे. असे म्हटले जाते की, ही थेरेपी अतिशय वेदनादायी आहे. उर्वशी रौतेला हिने नुकतीच आपले सौंदर्य टिकवून ठेवण्यासाठी कपिंग थेरेपीची ट्रिटमेंट घेतली आहे. ही एक चायनीज रिलॅक्सेशन थेरेपी असून तेथील बहुतांश सेलेब्रिटी याच थेरेपीचा वापर करतात. ही थेरेपी अतिशय वेदना असून या ट्रिटमेंटच्या माध्यमातून शरीराच्या आतील घाण बाहेर काढली जाते आणि स्किन टिश्यूला आॅक्सिजनच्या मदतीने खोलवर आराम दिला जातो. ही एक वेदनादायी थेरपी आहे. यामध्ये अ‍ॅक्यूपंचर स्पेशलिस्ट कॉटनचे गोळे दारुत भिजवले जातात. त्यानंतर हे गोळे काचेच्या छोट्या ग्लास किंवा कपात ठेऊन त्याला आग लावली जाते आणि नंतर ती आग विझवून गरम कप किंवा ग्लास शरीरावर ठेवले जाते. ही थेरपी यापूर्वी वीजे वानीने करुन घेतली आहे. या अभिनेत्रींनी सौंदर्य खुलविण्यासाठी वापरली ही पद्धत !