पी. व्ही सिंधूची उपांत्य फेरीत धडक

या स्पर्धेच्या उपांत्यपूर्व फेरीत सिंधूने अमेरिकेच्या झँग बीवन हिच्यावर दोन सेट्समध्ये मात केली.

नवी दिल्ली : भारताची अव्वल बॅडमिंटनपटू पी. व्ही सिंधूने गुआंगझू येथे सुरु असलेल्या बीडब्ल्यू वर्ल्ड टूर्स फायनल्स या स्पर्धेच्या उपांत्य फेरीत धडक मारली आहे. या स्पर्धेच्या उपांत्यपूर्व फेरीत सिंधूने अमेरिकेच्या झँग बीवन हिच्यावर दोन सेट्समध्ये मात केली.

#Badminton 🏸 | PV Sindhu keeps unbeaten record intact as she defeats Beiwen Zhang in straight games and advances to the semi-finals of #BWFWorldTourFinals2018pic.twitter.com/gfiKBURs82

— The Bridge (@TheBridge_IN) December 14, 2018

 

उपांत्यपूर्व फेरीत सिंधूने झँग बीवन हिला २१-९, २१-१५ असे दोन सेट्समध्ये सहज पराभूत केले. पहिला गेम सिंधूने सहजपणे आपल्या नावावर केला. पहिल्या गेममध्ये सिंधू अधिक आक्रमक खेळत होती. दुसरीकडे झँगला पहिल्या गेममध्ये चांगला खेळ करता आला नाही. पण दुसऱ्या गेममध्ये मात्र झँगने सिंधूला चांगली लढत दिली. पण सिंधूने दुसऱ्या गेममध्ये अनुभव पणाला लावला.