हैदराबाद: भारतामध्ये अनेक कार लव्हर्स आहेत, ज्यांच्याकडे एकापेक्षा एक महागड्या कार आहेत. पण, हैदराबादमधील एका प्रसिद्ध व्यावसायिकाने अतिशय महागडी कार खरेदी केली आहे. हिला भारतातील सर्वात महागडी कार म्हटले जात आहे. नसीर खान असे या व्यक्तीचे नाव असून, त्यांनी स्वतः या कारचा व्हिडिओ शेअर केला आहे.
दराबादमधील बिझनसमन नसीर खान यांनी नुकतीच एक महागडी McLaren 765 LT Spider कार खरेदी केली आहे. त्यांनी कारच्या डिलिव्हरीचा एक व्हिडिओ शेअर केला आहे, ज्याला इंस्टाग्रामवर आतापर्यंत 1 लाख 60 हजारांहून अधिक व्हू मिळाले आहेत. Cartoq.comनुसार, या McLaren 765 LT Spider ची किंमत 12 कोटी रुपये आहे.
रिपोर्टनुसार, नसीर खान या कारचे भारतातील पहिले ग्राहक आहेत. हैदराबादमधील लोकप्रिय ताज फलकनुमा पॅलेसमध्ये या कारची डिलिव्हरी मिळाली. इंस्टाग्रामवर कारचा व्हिडिओ आणि फोटो शेअर करत नसीर यांनी लिहिले की, 'MCLAREN 765LT SPIDER चे स्वागत आहे. या सुंदर कारला रिसिव्ह करण्यासाठी किती छान जागा आहे.' ही कार MSO व्होल्कॅनो रेड शेड कलरमध्ये आहे.
रिपोर्टमध्ये सांगण्यात येत आहे की, 765 LT Spider व्हेरिएंट McLaren ची सर्वा वेगवान कार आहे. या कारणध्ये 4.0 लिटर ट्विन टर्बोचार्जड V8 पेट्रोल इंजिन असून, याचे इंजिन 765 Ps पॉवर जेनरेट करते. तसेच, या कारचा पीक टॉर्क 800 Nm आहे. दरम्यान, नसीर खान सोशल मीडियावर खूप पॉप्यूलर आहेत. इंस्टाग्रामवर त्यांचे 4 लाख फॉलोअर्स आहेत.
नसीर इंस्टाग्रामवर स्वतःला कार कलेक्टर आणि आंत्रप्रेन्योर असल्याचे सांगतात. नसीर यांच्याकडे अनेक महागड्या कार असून, ते अनेकदा आपल्या कारचे फोटो आणि व्हिडिओ शेअर करत असतात. नसीर यांच्याकडे Rolls Royce Cullinan Black Badge, Ferrari 812 Superfast, Mercedes-Benz G350d, Ford Mustang, Lamborghini Aventador, Lamborghini Urus सह अनेक महागड्या कार्स आहेत.