भारतातील कार सुरक्षा मानकांमध्ये वाढ होत असून, अनेक कंपन्या आपल्या गाड्यांना भारत NCAP (Bharat NCAP) द्वारे टेस्ट करून घेत आहेत. फ्रेंच कार निर्माता कंपनी Citroen ने आपली C3 Aircross ची क्रॅश टेस्ट केली असून, या गाडीने सुरक्षिततेच्या बाबतीत उत्कृष्ट कामगिरी केली आहे. Bharat NCAP ने या SUV ला 5-स्टार रेटिंग दिले आहे, ज्यामुळे ही गाडी भारतातील सर्वात सुरक्षित गाड्यांच्या यादीत सामील झाली आहे.
Citroen C3 Aircross ने प्रौढांच्या सुरक्षेच्या (Adult Occupant Protection) बाबतीत जबरदस्त कामगिरी करत 5-स्टार रेटिंग मिळवली आहे. या एसयूव्हीला एकूण ३२ पैकी २७.०५ गुण मिळाले आहेत. तर फ्रंटल ऑफसेट बॅरियर टेस्ट: यामध्ये गाडीला ११.०५ गुण मिळाले. साइड मुव्हेबल बॅरियर टेस्ट: यामध्ये गाडीने १६ गुण मिळाले आहेत. प्रौढांच्या सुरक्षेसाठी या कारला फाईव्ह स्टार मिळाले आहेत.
मुलांच्या सुरक्षेतही प्रभावी
लहान मुलांच्या सुरक्षेच्या (Child Occupant Protection) बाबतीतही Citroen C3 Aircross ने चांगली कामगिरी केली आहे. या श्रेणीत गाडीला 4-स्टार रेटिंग मिळाली आहे. एकूण ४९ गुणांपैकी गाडीने ४० गुण मिळवले आहेत. डायनॅमिक स्कोअर: २४ गुण, CRS इन्स्टॉलेशन स्कोअर: १२ गुण, व्हेईकल असेसमेंट स्कोअर: ४ गुण मिळाल्याने मुलांसोबत प्रवास करणाऱ्या कुटुंबांसाठी ही एक सुरक्षित एसयूव्ही ठरते.
Web Summary : Citroen C3 Aircross excels in Bharat NCAP crash tests, achieving a 5-star safety rating. It scored high in adult protection (27.05/32) and secured 4-stars for child safety (40/49). This makes it a secure option for families.
Web Summary : Citroen C3 Aircross ने भारत NCAP क्रैश टेस्ट में 5-स्टार सुरक्षा रेटिंग हासिल की। इसने वयस्क सुरक्षा में अच्छा स्कोर (27.05/32) और बच्चों की सुरक्षा में 4-स्टार (40/49) प्राप्त किए। यह इसे परिवारों के लिए एक सुरक्षित विकल्प बनाता है।