Suzuki S-Cross: मारुतीची नवी S-Cross पाहून व्हाल गपगार; लूक शानदार, किंमतही वजनदार

By ऑनलाइन लोकमत | Published: November 25, 2021 07:03 PM2021-11-25T19:03:11+5:302021-11-25T19:03:27+5:30

2022 Suzuki S-Cross: भारतात सुझुकी नेक्सा शोरुमद्वारे S-Cross ची विक्री करते. या एस क्रॉसचे फेसलिफ्ट येणार आहे. हेच फेसलिफ्ट सुझुकीने युरोपमध्ये आणले आहे.

Suzuki S-Cross: Maruti will launch soon; Looks great, pricey too in European Market Launch | Suzuki S-Cross: मारुतीची नवी S-Cross पाहून व्हाल गपगार; लूक शानदार, किंमतही वजनदार

Suzuki S-Cross: मारुतीची नवी S-Cross पाहून व्हाल गपगार; लूक शानदार, किंमतही वजनदार

Next

नव्या पीढीची Suzuki SX4 S-Cross अखेर युरोपीय बाजारात लाँच झाली आगे. ही एक क्रॉसओव्हर एसयुव्ही असून एन्ट्री लेव्हल मोशन व्हेरिअंटसाठी 24,999 युरो (20.90 लाख रुपये) आणि टॉप एंड अल्ट्रा ट्रिमसाठी 29,799 युरो (24.91 लाख रुपये) अशी किंमत ठेवण्यात आली आहे. 

भारतात सुझुकी नेक्सा शोरुमद्वारे S-Cross ची विक्री करते. या एस क्रॉसचे फेसलिफ्ट येणार आहे. हेच फेसलिफ्ट सुझुकीने युरोपमध्ये आणले आहे. ही एस क्रॉस भारतात नाही तर हंगेरीतील प्लांटमध्ये तयार केली जाणार आहे. जनरेशनच नाही तर एस क्रॉसमध्ये मोठे बदल करण्यात आले आहेत. डिझाईन आणि फीचर अपग्रेड केले आहेत. याच्या इंजिनात मात्र कोणतेही बदल करण्यात आलेले नाहीत. 

मोशन ट्रिम स्मार्टफोन कनेक्टिव्हिटीसह 7.0-इंच टचस्क्रीन इन्फोटेनमेंट सिस्टमसह येते, तर अल्ट्रा मॉडेलला सॅटेलाइट नेव्हिगेशनसह 9.0-इंच युनिट मिळते. ड्युअल-झोन क्लायमेट कंट्रोल, हीटेड फ्रंट सीट्स, कीलेस एंट्री आणि एलईडी हेडलॅम्प यासारखी वैशिष्ट्ये मॉडेल लाइनअपमध्ये आहेत. अल्ट्रा ट्रिम केवळ पॅनोरमिक सनरूफ, लेदर सीट अपहोल्स्ट्री आणि 360-डिग्री पार्किंग कॅमेरासह ही एस क्रॉस सादर करण्यात आली आहे. 

नवीन बंपर, ट्वीक केलेले ट्रिपल-बीम हेडलॅम्प आणि नवे फॉग लॅम्प असेंब्लीसह पियानो-ब्लॅक ग्रिल असेल. बोनेट पूर्वीपेक्षा स्पष्ट दिसत आहे. साइड प्रोफाईल ब्लॅक बॉडी क्लेडिंगने सुशोभित केलेले आहे, नव्या डिझाईनचे17-इंच अलॉय व्हील, क्रोम विंडो लाइन आणि बॉडी-रंगीत दरवाजा हँडल. मागील बाजूस पुन्हा डिझाइन केलेले बंपर आणि एलईडी टेललॅम्प्स मिळतात, वरती माउंट केलेला स्टॉप लॅम्प, इंटिग्रेटेड रीअर स्पॉयलर आणि अपराइट बूट लिड देखील मिळते.

नवीन 2022 Suzuki S-Cross मध्ये ड्रायव्हर सपोर्ट सिस्टम मिळतात. पार्किंग सेन्सर्स, ट्रॅफिक-साइन रेकग्निशन, अडॅप्टिव्ह क्रूझ कंट्रोल आणि ब्लाइंडस्पॉट मॉनिटरिंग सारख्या सिस्टिमचा समावेश आहे. ही कार सिल्की सिल्व्हर, मेटॅलिक टायटन डार्क ग्रे, स्फेअर ब्लू, सॉलिड व्हाइट, एनर्जेटिक रेड आणि कॉस्मिक ब्लॅक अशा सहा रंगांत उपलब्ध असणार आहे.

Web Title: Suzuki S-Cross: Maruti will launch soon; Looks great, pricey too in European Market Launch

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.

Open in app