जपानची प्रसिद्ध कार उत्पादक कंपनी निसान मोटर्सने आपल्या लोकप्रिय Rogue एसयूव्हीच्या ६.४ लाखांहून अधिक गाड्या परत मागवण्याचा मोठा निर्णय घेतला आहे. या गाड्यांच्या इंजिन आणि थ्रॉटल सिस्टममध्ये गंभीर तांत्रिक बिघाड असल्याचे समोर आले असून, यामुळे प्रवाशांच्या सुरक्षेला धोका निर्माण झाला आहे.
निसानच्या २०२३-२०२५ मॉडेलच्या ज्या गाड्यांमध्ये १.५ लिटर VC टर्बो इंजिन आहे, त्यांच्यामध्ये 'बेअरिंग फेलियर'ची समस्या आढळली आहे. यामुळे इंजिनमधून गरम तेल लीक होऊन आग लागण्याचा धोका वाढला आहे. तसेच, चालत्या गाडीत अचानक पावर कमी झाल्यामुळे अपघाताची शक्यताही वर्तवण्यात आली आहे.
थ्रॉटल बॉडी गियरमध्ये बिघाडदुसरी मोठी समस्या २०२४-२०२५ रॉग मॉडेल्सच्या 'थ्रॉटल बॉडी गियर'शी संबंधित आहे. हा गियर तुटल्यास वाहन अचानक वेग गमावू शकते किंवा गाडी पुन्हा सुरू करताना अडथळे येऊ शकतात. हायवेवर अशा प्रकारे वेग कमी होणे चालकासाठी अत्यंत धोकादायक ठरू शकते.
ग्राहकांनी काय करावे?निसान मार्च २०२६ पासून संबंधित ग्राहकांना अधिकृत ईमेल पाठवणार आहे. ज्या ग्राहकांकडे रॉग मॉडेल आहे, ते निसानच्या वेबसाइटवर किंवा NHTSA च्या पोर्टलवर आपला VIN टाकून तपासणी करू शकतात. कंपनीचे डीलर्स विनामूल्य इंजिन सॉफ्टवेअर रिप्रोग्राम करतील आणि आवश्यक ते सुटे भाग बदलून देतील.
Web Summary : Nissan recalls 6.4 lakh Rogue SUVs due to engine and throttle issues. Engine defects can cause oil leaks and fire hazards. Throttle problems may lead to sudden power loss, posing safety risks. Nissan will notify owners and offer free repairs.
Web Summary : निसान ने इंजन और थ्रॉटल की समस्याओं के कारण 6.4 लाख Rogue एसयूवी वापस मंगाईं। इंजन दोषों से तेल का रिसाव और आग लगने का खतरा हो सकता है। थ्रॉटल की समस्याओं से अचानक बिजली गुल हो सकती है, जिससे सुरक्षा जोखिम पैदा हो सकते हैं। निसान मालिकों को सूचित करेगा और मुफ्त मरम्मत की पेशकश करेगा।