Honda Activa EV Launch : देशातील आघाडीची टू-व्हिलर कंपनी Honda ने आपली सर्वाधिक विकली जाणारी स्कूटर Honda Activa चे EV व्हर्जन बुधवारी भारतात लॉन्च केले. लॉन्चपूर्वीच याच्या फीचर्सची माहिती समोर आली होती. कंपनीने सांगितल्यानुसार, येत्या 1 जानेवारी 2025 पासून या स्कूटरचे बुकिंग सुरू होईल. तुम्हालाही ही स्कूटर घ्यायची असेल, तर त्यापूर्वी याचे फिचर्स आणि स्पेसिफिकेशन्स जाणून घ्या....
Honda ने आपल्या नवीन इलेक्ट्रिक Activa ला दोन व्हेरिएंटमध्ये लॉन्च केले आहे. याची डिलिव्हरी 1 फेब्रुवारी 2025 पासून सुरू होईल. सुरुवातीला ही दिल्ली, मुंबई आणि बंगळुरू सारख्या शहरांमध्ये उपलब्ध असेल, त्यानंतर कंपनी इतर शहरांमध्ये डिलिव्हरी सुरू करेल. या स्कूटरमध्ये बॅटरी स्वॅपिंग टेक्नॉलॉजी वापरण्यात आली आहे, त्यामुळे कंपनीला आधी त्यासाठीची सुविधा उपलब्ध करुन द्यायची आहे.
इलेक्ट्रिक ॲक्टिव्हा दोन प्रकारात मिळेलकंपनीने Activa EV ला Standard आणि RoadSync Duo, अशा दोन प्रकारात लॉन्च केले आहे. यापैकी Standard व्हेरिएंटचे वजन 118 किलो तर RoadSync Duo व्हेरिएंटचे वजन 119 किलो असेल. Standard व्हेरिएंटमध्ये 5 इंचाची TFT स्क्रीन, मॅफ, ब्लूटूथ कनेक्टिव्हिटीसह इतर फिचर्स मिळतील, तर RoadSync Duo व्हेरिएंटमध्ये 7 इंचाचा TFT स्क्रीन, टर्न-बाय-टर्न नेव्हिगेशन, नोटिफिकेशन अलर्टसारखी सुविधा मिळेल.
102 किमीची रेंज Honda Activa EV ची झलक समोर येताच, हे स्पष्ट झाले आहे की यात 1.5 kWh च्या ड्युअल स्वॅप बॅटरी असतील. ही बॅटरी एका चार्जमध्ये एकूण 102 किमीची रेंज देईल. या बॅटरी Honda च्या पॉवर पॅक एक्सचेंजर बॅटरी स्वॅपिंग स्टेशनवर बदलल्या जाऊ शकतात. सध्या कंपनीने बंगळुरूमध्ये अशी 83 स्टेशन्स बसवली आहेत. तर 2026 पर्यंत, बंगळुरूमध्ये अशी सुमारे 250 स्टेशन्स असतील, जी तुम्हाला प्रत्येक 5 किमी रेडियसमध्ये बॅटरी बदलण्याचा पर्याय देईल. कंपनी दिल्ली आणि मुंबईत हेच काम सुरू करणार आहे.