Best Mileage Bikes: एक लीटरमध्ये ७० किलोमीटरपर्यंत मायलेज; महागाईतही परवडतील 'या' ४ बाईक्स!

वाढत्या महागाईच्या काळात आणि पेट्रोलच्या गगनाला भिडणाऱ्या किमतींमुळे सध्या सर्वसामान्यांचा कल 'जास्त मायलेज' देणाऱ्या गाड्यांकडे वाढला आहे. जर तुम्हीही दैनंदिन वापरासाठी एक स्वस्त, मस्त आणि विश्वासार्ह बाईक शोधत असाल, तर भारतीय बाजारपेठेत हिरो, होंडा, बजाज आणि टीव्हीएस यांसारख्या कंपन्यांचे अनेक उत्तम पर्याय उपलब्ध आहेत.

टीव्हीएस स्पोर्ट

टीव्हीएस स्पोर्ट ही कमी किमतीत उपलब्ध असलेली एक लोकप्रिय बाईक आहे. या बाईकची एक्स-शोरूम किंमत सुमारे ₹५५,५०० इतकी आहे. या बाईकमध्ये १०९.७ सीसी इंजिन आहे, जे दैनंदिन वापरासाठी फायदेशीर ठरते. मायलेजच्या बाबतीत, ही बाईक प्रति लिटर सरासरी ७० किलोमीटर देते. यामुळे बजेटमध्ये जास्त मायलेज मिळवू इच्छिणाऱ्यांमध्ये ग्राहकांसाठी उत्तम पर्याय आहे.

बजाज प्लॅटिना ११०

भारतीय बाजारपेठेत बजाज प्लॅटिना ११० त्याच्या उत्कृष्ट मायलेज आणि आरामदायी राइडसाठी ओळखली जाते. त्याची सुरुवातीची एक्स-शोरूम किंमत अंदाजे ६९ हजार ८३२ आहे. या बाईकमध्ये ११५.४५ सीसी इंजिन देण्यात आले. कंपनीच्या मते, ही बाईक ७० किमी प्रति लिटर पर्यंत मायलेज देऊ शकते.

होंडा शाइन १००

कमी किंमत आणि विश्वासार्ह इंजिनमुळे होंडा शाइन १०० अधिक लोकप्रिय झाले आहे. त्याची सुरुवातीची एक्स-शोरूम किंमत अंदाजे ६५ हजार २४३ आहे. ही बाईक ९८ सीसी इंजिनवर चालते. मायलेजच्या बाबतीत, ही बाईक सरासरी ५५ किलोमीटर प्रति लिटर मायलेज देऊ शकते.

हिरो एचएफ डिलक्स

हिरो एचएफ डिलक्स ही भारतातील सर्वात लोकप्रिय बाईकपैकी एक आहे. तिची परवडणारी किंमत, विश्वासार्ह इंजिन आणि चांगले मायलेज यामुळे ती ग्राहकांमध्ये लोकप्रिय निवड बनते. तिची सुरुवातीची एक्स-शोरूम किंमत अंदाजे ५७ हजार ६५७ आहे. ही बाईक सुमारे ७० किमी प्रति लिटर मायलेज देते, असा दावा कंपनीकडून करण्यात आला आहे.