२७ किमी माइलेज, सनरूफसह ६ एअरबॅग्स; लवकरच लॉन्च होणार TATA ची SUV कार, किंमत आहे...

टेस्टिंगवेळी पूर्णत: झाकलेल्या मॉडेलमध्ये मागील आणि पुढील बाजूस काही कॉस्मेटिक बदल पाहायला मिळाले

टाटा मोटर्स पुन्हा एकदा कॉम्पेक्ट एसयूव्ही सेगमेंटमध्ये एन्ट्री करण्याच्या तयारीत आहे. २०२५ मध्ये TATA Punch Facelift च्या माध्यमातून कंपनी भारतीय बाजारपेठेत लवकरच ५ स्टार रेटिंग SUV कार लॉन्च करणार आहे. पंच फेसलिफ्टचे फोटो आणि डिटेल्स टेस्टिंगवेळी समोर आले आहेत. त्यामुळे ही SUV कार स्टाईल, सेफ्टी आणि स्मार्ट टेक्नोलॉजीत उत्तम पर्याय म्हणून पुढे येणार आहे.

नव्या टाटा पंच फेसलिफ्ट २०२५ ला टाटाने पंच ईव्हीसारखी डिझाईन दिली आहे. टेस्टिंगवेळी पूर्णत: झाकलेल्या मॉडेलमध्ये मागील आणि पुढील बाजूस काही कॉस्मेटिक बदल पाहायला मिळाले. ज्यातून ही SUV आधीपासून अधिक मॉडर्न आणि युथफूल असल्याचे दिसते. त्यात नवीन फ्रंट बंपर, ग्रिल पॅटर्न, ईव्ही इंस्पायर्ड, एलईडी टेललाईट्स, नव्या डिझाईनवाले अलॉय व्हिल्स मिळण्याची शक्यता आहे.

कसे असेल इंटिरिअर?

इंटिरिअरबाबत बोलायचे झाले तर Tata Punch Facelift ला अधिक स्मार्ट आणि प्रिमियम बनवण्यासाठी त्यात नवीन २ स्पोक लेदरेट स्टिअरिंग व्हिल मिळेल ज्यात टाटाचा एल्युमिनिटेड लोगो मिळेल. त्याशिवाय ७ इंच TFT डिजिटल इन्स्टूमेंट क्लस्टर, १०.२ इंचाची टचस्क्रिन इंफोटेनमेंट सिस्टम, वायरलेस Apple Carplay आणि Android Auto, नवीन FATC क्लायमेट कंट्रोल पॅनेल, वायरलेस चार्जिंग, कप होल्डर, फॅब्रिक सीटसारख्या सुविधा मिळतील. डॅशबोर्डचा लेआऊट सध्याच्या मॉडेलसारखाच असेल.

इंजिन आणि परफॉर्मेंस 

या नव्या SUV कारमधील इंजिन आणि परफॉर्मेंसमध्ये काहीही बदल केला नाही. आधीप्रमाणेच यात १.२ लीटर ३ सिलेंडर नॅच्युरल एस्पिरेटेड पेट्रोल इंजिनसह ८६ बीएचपी पॉवर आणि ११३ NM टॉर्क जनरेट दिले आहे. तर CNG प्रकारात ७३.४ BHP पॉवर आणि १०३ NM टॉर्क दिला आहे. त्यात ५ स्पीड मॅन्युअर आणि ५ स्पीड AMT ट्रान्समिशन पर्याय मिळतात. या कारचे कंपनी क्लेम्ड माइलेज पेट्रोलमध्ये २७ किमी आणि सीएनजी २६.९९ किमी प्रतिकिलो इतके देण्यात आले आहे.

सेफ्टी फिचर्समध्येही टाटा पंच फेसलिफ्टला पूर्वीपेक्षा अधिक सुरक्षा देण्यात आली आहे. यात GNCAP क्रॅश टेस्टमध्ये ५ स्टार सेफ्टी रेटिंग मिळाली आहे. फेसलिफ्ट व्हर्जनमध्ये ६ एअरबॅग्स, रिवर्स कॅमेरा ABS आणि संभाव्यपणे इलेक्ट्रॉनिक स्टेबिलिटी कंट्रोलसारखे फिचर्स दिले आहेत. ही कार भारतात सणांमध्ये लॉन्च केली जाऊ शकते. त्याची एक्स शोरूम प्राईस ६ ते ९.५ लाख इतके आहे. जर तुम्ही १० लाखाच्या किंमतीत एक चांगली SUV कार शोधत असाल ज्यात जबरदस्त माइलेज, प्रिमिअम डिझाईन, सनरूफसह ५ स्टार सेफ्टी मिळेल तर TATA Punch Facelift तुमच्यासाठी चांगला पर्याय ठरू शकतो.