नवी दिल्ली : हिरो मोटोकॉर्प कंपनीने त्यांची Xtreme 200R ही नवी बाईक लॉन्च केली आहे. ग्राहकांची गरज आणि आवड लक्षात घेऊन ही बाईक तयार करण्यात आली आहे.
हिरो मोटोकॉर्प या कंपनीने Xtreme 200R या बाईकची किंमत 88 हजार रुपये इतकी ठेवली आहे. पण ही किंमत गुवाहाटी शहरासाठी असेल. इतर राज्यांमध्ये ही बाईक कोणत्या किंमतीत मिळेल याची माहिती कंपनीच्या वेबसाईटवर देण्यात येणार आहे.
Hero MotoCorp ने Xtreme 200R च्या स्टायलिंगमध्ये अग्रेसिव्ह अॅप्रोच दाखवला आहे. स्कल्पटेड टॅंक, एजी टेल सेक्शन या बाईकला स्पोर्टी लूक देत आहेत. या बाईकमध्ये 200 सीसी, एअर कूल्ड, सिंगल सिलेंडर इंजिन देण्यात आलं आहे. हे इंजिन 18.3 बीएचपीची पॉवर आणि 17.1 न्यूटन मीटर टॉर्क जनरेट करतं.
या बाईकच्या दोन्ही चाकांना डिस्क ब्रेक देण्यात आले आहेत. या बाईकची स्पर्धा TVS Apache RTR 200 4V आणि Bajaj Pulsar NS200 या बाईकसोबत असेल.