मोर्शी : पिंपळखुटा मोठा ते येवती दरम्यान दोन दुचाकी समोरासमोर भिडल्या. यात एका महिलेसह दोन पुरुष गंभीर जखमी झाले. गुरुवारी रात्री ८ वाजताच्या सुमारास हा अपघात घडला.
शुभम अनिल राऊत व सविता अनिल राऊत (दोघेही रा. मोर्शी) हे तिवसा येथून मोर्शी येथे परत येत असताना येवती ते पिंपळखुटा (मोठा) दरम्यान मोर्शीकडे येणाऱ्या सिताराम फत्तेसिंग युवनाते (रा. हेरले मध्यप्रदेश) याने राऊत यांच्या दुचाकीस धडक दिली. या धडकेत तिघेही जखमी झाले. जखमींना मोर्शी येथील उपजिल्हा रुग्णालयात उपचारासाठी दाखल करण्यात आले होते. त्यांच्यावर प्राथमिक उपचार केल्यानंतर दोघांना अमरावती येथे उपचारासाठी पाठविण्यात आले.
------------