अमरावतीत १ लाखाची लाच घेताना नगररचना विभागाचे दोन अधिकारी एसीबीच्या जाळ्यात

Amravati : स्थानिक नगररचना व मूल्यनिर्धारण विभागाच्या कार्यालयात लाचलुचपत प्रतिबंधक विभागाने मंगळवारी दुपारी 5 च्या सुमारास मोठी कारवाई केली.

अमरावती: स्थानिक नगररचना व मूल्यनिर्धारण विभागाच्या कार्यालयात लाचलुचपत प्रतिबंधक विभागाने मंगळवारी दुपारी 5 च्या सुमारास मोठी कारवाई केली. एका लेआउटवर मंजुरीची पहिली सही (सिक्का) मारण्यासाठी १ लाख रुपयांची लाच घेताना दोन नगर रचनाकारांना रंगेहात पकडण्यात आले. या कारवाईमुळे अमरावतीतील प्रशासकीय वर्तुळात मोठी खळबळ उडाली आहे.

​मिळालेल्या माहितीनुसार, तक्रारदाराने त्यांच्या एका लेआउटच्या मंजुरीसाठी नगररचना विभागाकडे अर्ज केला होता. या कामासाठी संबंधित अधिकाऱ्यांनी १ लाख रुपयांच्या लाचेची मागणी केली होती. तक्रारदाराने याप्रकरणी एसीबीकडे धाव घेऊन तक्रार नोंदवली. एसीबीच्या पथकाने तक्रारीची पडताळणी केल्यानंतर कार्यालयात सापळा रचला आणि लाचेची रक्कम स्वीकारताना दोन्ही अधिकाऱ्यांना ताब्यात घेतले. ​दोन्ही संशयित आरोपींविरुद्ध गुन्हा दाखल करण्याची प्रक्रिया सुरू आहे.