स्थानिक स्वराज्य संस्थांच्या निवडणुका सुरू आहेत. नगरपालिका, नगर परिषदांच्या निवडणुका सुरू आहेत. राज्यभरात प्रचारसभा सुरू आहेत. दरम्यान, आता राज्य निवडणूक आयोगाने काही निवडणुका पुढे ढकलल्या आहेत. न्यायालयातील याचिकांमुळे या निवडणुका पुढे ढकलल्या असल्याचे सांगण्यात येत आहे. दरम्यान, आता काँग्रेस नेत्या यशोमती ठाकुर यांनी या निर्णयावरून हल्लाबोल केला आहे.
राज्यातील काही नगरपंचायत व नगरपालिका क्षेत्रांतील निवडणुका अचानक काही वार्डमध्ये न घेण्याचा निर्णय जाहीर करण्यात आला आहे. हा निर्णय पूर्णतः मनमानी असून निर्वाचन आयोग आणि सरकार यांची मिळून बनवलेली चुकीची भूमिका असल्याचे स्पष्ट दिसत असल्याचे ठाकुर यांनी म्हटले आहे.
या निर्णयामुळे संबंधित क्षेत्रातील नागरिकांचा लोकशाही हक्क बाधित होत असून, कोणताही पुरेसा कारणमीमांसा न देता निवडणूक स्थगित करणे हा लोकशाहीला धक्का देणारा प्रकार आहे, अशी टीका ठाकुर यांनी केली.
“कोर्टाच्या स्पष्ट निर्देशांनुसार निवडणुका नियमित पद्धतीने घेणे बंधनकारक आहे. निवडणुका टाळून जनतेला प्रतिनिधी निवडण्यापासून दूर ठेवणे हा अलोकशाही आणि अन्याय निर्णय आहे. तात्काळ कोर्टाच्या आदेशानुसार निवडणुकीची प्रक्रिया राबवावी, अशी मागणी ठाकुर यांनी केली.
यशोमती ठाकुर म्हणाल्या, अशा निर्णयांमुळे प्रशासनावरचा जनतेचा विश्वास कमी होत असून, सरकार व निर्वाचन आयोगाने ताबडतोब हा निर्णय मागे घेत निवडणूक प्रक्रिया सुरळीत सुरू करावी, अशी मागणी यशोमती ठाकुर यांनी केली.
Web Summary : Congress leader Yashomati Thakur criticized the sudden postponement of some local body elections, deeming it a blow to democracy and a manifestation of collusion between the election commission and the government. She demanded immediate resumption of the election process as per court orders.
Web Summary : कांग्रेस नेता यशोमती ठाकुर ने कुछ स्थानीय निकाय चुनावों को अचानक स्थगित करने की आलोचना की और इसे लोकतंत्र पर आघात और चुनाव आयोग और सरकार के बीच मिलीभगत का प्रकटीकरण बताया। उन्होंने अदालत के आदेशानुसार चुनाव प्रक्रिया तत्काल फिर से शुरू करने की मांग की।