अंजनगाव पालिकेत विषय समित्यांचे राजकारण शिगेला

अंजनगाव सुर्जी : स्थानिक नगरपालिकेच्या विषय समिती सदस्यांची नावे घोषित करण्यात आली आहेत. सदस्य म्हणून वर्णी लागली असली तरी सभापतिपदासाठी अनेक जण इच्छुक आहेत. त्यामुळे पालिकेतील सत्ताधारी भाजपमधील अंतर्गत राजकारण टिपेला पोहोचले आहे. पीठासीन निवडणूक निर्णय अधिकारी तथा उपविभागीय अधिकारी मनोज लोणारकर, मुख्यधिकारी सुमेध अलोने, प्रशासकीय अधिकारी गोविंद त्रिपुरारी यांच्या उपस्थितीत नामांकन दाखल करण्यात आले.

बांधकाम समितीमध्ये विमल माकोडे, शीला सगणे, मधुकर गुजर, रवींद्र बोडखे, शेख नासीर शेख इसा, कृष्णा गोमासे, आरोग्य समितीमध्ये अरुणा इंगळे, दीपाली पवार, अजिजा फहिमोद्दीन, मधुकर गुजर, सतीश वानखडे, शेख रहीम शेख रहमान, नियोजन समितीमध्ये पंढरी बलंगे, सचिन जायदे, मनोहर भावे, कृष्णा गोमासे, मोहमद न्याज कुरेशी, शेख नासीर शेख इसा, पाणीपुरवठा समितीमध्ये सविता बोबडे, सुनीता मुरकुटे, रेहानाबी हशमत अली, भूपेंद्र भेलांडे, रवींद्र बोडखे, सतीश वानखडे यांची वर्णी लागली आहे. शिक्षण समितीमध्ये लता मुरकुटे, पल्लवी गवई, सचिन जायदे, मनोहर भावे, शीला सगणे, मो. न्याज कुरेशी अ. सादिक, महिला व बाल कल्याण समितीमध्ये अरूणा इखार, दीपाली पवार, सुनीता मुरकुटे, पल्लवी गवई, रेहानाबी हशमत अली, अजिजा मो फहिमोद्दीन, तर स्थायी समिती सदस्यपदी सुनीता मुरकुटे, भुपेंद्र भेलांडे, न्याज कुरेशी यांचे नामांकन दाखल करण्यात आले. २९ जानेवारी रोजी विषय समिती सभापतींची निवड होईल.

--------------------------------