अमरावती : राजापेठ पोलिसांनी एमआयडीसी धरमकाट्यावजळ कारवाई करून अवैध दारूसह ६,१९६ रुपयांचा मुद्देमाल जप्त केला. ही कारवाई सोमवारी (दि २६) करण्यात आली.
या प्रकरणी आरोपी सतीश सदाशिव देशमुख (वय ४४, रा. नमुना गल्ली) याच्याविरुद्ध गुन्हा नोंदविला. सदर आरोपी हा विनापरवाना दारूची विक्री करताना आढळून आला. याप्रकरणी राजापेठ पोलिसांनी गुन्हा नोंदविला असून, पुढील तपास पोलीस करीत आहेत.
-------------------------------------------------------------
लोखंडी दांड्याने मारहाण
अमरावती : क्षुल्लक कारणावरून एका इसमास लोखंडी दांड्याने डोक्यावर मारहाण करून जखमी केल्याची घटना बडनेरा ठाण्याच्या हद्दीतील भानखेडा येथे रविवारी (दि. २५) घडली. या प्रकरणी एका महिलेच्या तक्रारीवरून आरोपी रवी आकोलकर (वय ३४, रा. भानखेडा) याच्याविरुद्ध भादंविचे कलम ३२४, ५०६ अन्वये गुन्हा नोंदविला. फिर्यादीचे पती व सासरे हे सिमेंटच्या कामामुळे पायाच्या बोटाला इजा झाल्याने त्रास होत असल्याबाबत आपसांत चर्चा करीत असताना, आरोपी तेथे आला व क्षुल्लक कारणावरून वाद घालून फिर्यादीच्या पतीला मारहाण केली. पुढील तपास पोलीस करीत आहेत.