हुंडा पैशात नाही, साहित्यरूपाने घेण्याची नवी ट्रिक
अमरावती : समाजातील हुंडा पद्धती मोडली जावी म्हणून ६० वर्षांपूर्वी अंमलात आणलेल्या कायद्याचे बंधन आजही लोकांनी स्वीकारलेले नाही. या कायद्याला न जुमानता हुंडा मागण्याची प्रथा देशात सुरूच आहे. तो हुंडा पैसा किंवा साहित्याच्या रूपाने मागितला जात आहे. हुंडा स्वीकारण्याच्या पद्धती बदलल्या आहेत. हुंडा देण्यास मुलीचे वडील सक्षम नसले, तर त्यांच्या मुलीचे लग्न हुंड्यापायी मोडले जात आहे. लग्न करताना नवऱ्या मुलाला जणू मुलीचे वडील हुंडारूपाने जणू विकतच घेत आहेत.
आम्हाला हुंडा नको, असे म्हणणारी मंडळी आपल्या मुलीला दागिने करून द्या, फ्लॅट द्या, बंगला द्या, फोर व्हीलर-टू व्हीलर द्या, असे मुलीच्या वडिलांना सांगतात. पैसे किंवा साहित्याच्या रूपात हुंडा घेऊन मुलगा स्वत:ला मुलीला विकत असल्याचे चित्र समाजात पाहायला मिळत आहे.
बॉक्स
अशिक्षितांपासून उच्च शिक्षितांपर्यंत...
मुलाला नोकरीसाठी लागणारे डोनेशन मुलीच्या वडिलांनी द्यावे, व्यवसाय उभा करण्यासाठी लागणारा पैसा मुलीच्या वडिलांनी द्यावा. बहुतांश कुटुंब मौल्यवान वस्तूंच्या रूपात हुंडा घेतात.
आपला मुलगा किती होतकरू आहे, हे न पाहता गोरगरिबांपासून गर्भश्रीमंतांपर्यंत आणि अशिक्षितांपासून अगदी उच्चशिक्षितांपर्यंत हुंडा मागितला जातो. अशिक्षितांपेक्षा शिक्षित लोक जास्त हुंडा मागताना दिसतात.
हुंडा मागण्याचे स्वरूप बदलले आहे. लग्नात होणारा खर्च, डीजेचा खर्च, वरातीला लागणाऱ्या वाहनांचा खर्च, मंगल कार्यालयाचा खर्च मुलीच्याच वडिलांनी सांभाळून मुलाचे भविष्य घडविण्यातही हातभार लावाला असे सांगितले जाते.
कोट
नवी पिढी बदलतेय...
हुंडा घेणाऱ्यांमध्ये उच्चशिक्षितांचा आकडा मोठा आहे. मुलीचे आई-वडील मुलगा पाहताना होतकरू आणि नोकरीवाला पाहतात. परंतु, नोकरीवर लागण्यासाठी दिलेला पैसा मुलीच्या वडिलांकडून काढण्याचा अनेकांचा मानस दिसून येतो. हे आता नवीन पिढीने बदलायला हवे.
- मनीष रेचे, दहिगाव
कोट २
मुलगा नोकरीवर असेल आणि व्यसनाच्या आहारी गेला असेल, तर तो काही कामाचा नाही. मुलगा शोधताना त्याचे कर्तृत्व आणि योग्यता या दोन गाेष्टी पुढे ठेवून निर्व्यसनी मुलांनाच मुलगी देणे लोक पसंत करीत आहेत. आता नोकरीही त्यांच्यासमोर दुय्यम झाली आहे.
- सुधीर तायडे, पालक
-००००
बॉक्स
हुंडा म्हणायचा की पोराचा लिलाव?
हुंडा म्हणून सरळ पैसे न घेता गाडी, बंगला, फ्लॅट, प्लॉट, मौल्यवान दागिने मागितले जातात.
लग्नात होणारे अवडंबर, मुलाला लग्नात लागणारा खर्चही मुलींच्याच वडिलांकडून घेतला जातो.
लग्नात कन्यादानात झालेल्या मुलीच्या पैशांवरही सासरच्या मंडळींची नजर असते.
बॉक्स
मुलीचे आई-वडीलही जबाबदार
हुंडा मागणारा मुलगा आपल्या मुलीवर प्रेम कसे करेल, त्याला तिच्यावर नाही, तर पैशावर प्रेम आहे, असे मुलीच्या आई-वडिलांनी समजले पाहिजे. हुंडा मागणाऱ्या मुलाला व त्याच्या कुटुंबीयांना तुरुंगाची हवा दाखविणे गरजेचे आहे.
बॉक्स
हुंड्यासाठी छळाच्या तक्रारी
२०१८
२०१९
२०२० : ६२४
२०२१ : २८२