निधन वार्ता

फोटो - निधन १३ पी

दर्यापूर : सासन बु. येथील माजी सरपंच व प्रगतिशील शेतकरी पुंडलिकराव नारायणराव कोरडे यांचे (७४) यांचे वृद्धापकाळाने ४ सप्टेंबर रोजी निधन झाले. त्यांच्या पश्चात पत्नी, दोन मुले, तीन मुली व बराच आप्तपरिवार आहे. जिल्हा परिषदेचे कृषी पर्यवेक्षक पृथ्वीराज कोरडे यांचे ते वडील होत.

-----------------

यमुनाबाई खेडकर

फोटो - भातकुली १३ पी

भातकुली : यमुनाबाई जगन्नाथ खेडकर (७३) यांचे नुकतेच निधन झाले. त्यांच्या पश्चात तीन मुले व बराच आप्तपरिवार आहे. अरविंद खेडकर यांच्या त्या मातोश्री होत.

---------------

अंजनगावात आज घेराव, कुलूप ठोको आंदोलन

अंजनगाव सुर्जी : शेतकरी संघटनेच्यावतीने तालुका कृषी कार्यालयाला घेराव व कुलूप ठोको आंदोलन करण्यात येणार आहे. वीज बिल, पीक विमा या मुद्द्यांवर हे आंदोलन होणार असल्याचे संघटनेने कळविले आहे.

-----------------

मार्डी येथून लाखाच्या बकऱ्या लंपास

शिरजगाव मोझरी : नजीकच्या मार्डी येथील शुभम दादाराव गजभिये (२४, रा. मार्डी) यांच्याकडील २२ बकऱ्या अज्ञात चोरट्याने लंपास केल्याचे १२ सप्टेंबर रोजी सकाळी ७ च्या सुमारास निदर्शनास आले. यात सहा बोकड व १६ बकऱ्या होत्या. कुऱ्हा पोलिसांनी अज्ञात चोरट्याविरुद्ध गुन्हा नोंदविला.

------------

मुलांच्या वादातून मोठ्यांचे भांडण

वरूड : शहरातील साने गुरुजी कॉलनीत लहान मुलांच्या भांडणावरून दिलीप उईके व त्याच्या मित्राने किशोर हरिचंद्र भलावी (२६) याला लाथाबुक्क्या व फुकणीने कानाच्या वर मारून जखमी केले. याप्रकरणी वरूड पोलिसांनी गुन्हा दाखल केला आहे.

------------