काम न केल्याने मुलाला मारहाण

अमरावती : दुकानात साखर आणण्यास सांगितले असता, मुलाने नकार दिल्यावरून एका महिलेने त्याला केस पकडून मारहाण केल्याची घटना गाडगेनगर पोलीस ठाण्यांतर्गत जयसियाराम नगरात ९ एप्रिल रोजी घडली. याप्रकरणी तक्रारीवरून महिलेविरुद्ध पोलिसांनी भादंविचे कलम ३२४, ५०४ अन्वये गुन्हा नोंदविला.

-----------------------------------------------------

जमील कॉलनीत चोरी

अमरावती : नागपुरीगेट पोलीस ठाण्यांतर्गत जमील कॉलनीतील सरताज ट्रेडर्स पान मटेरीयल दुकानाचे शेटर तोडून सिगारेट व इतर साहित्य असा ४८,९५० रुपयांचा मुद्देमाल चोरून नेला. ही घटना शनिवारी घडली. याप्रकरणी फिर्यादी रोशन अग्रवाल (३२, रा. पठाण चौक) यांच्या तक्रारीवरून पोलिसांनी गुन्हा नोंदविला.

----------------------------------------------------------

कारच्या धडकेत इसम जखमी

अमरावती : फोनवर बोलत असलेल्या इसमाला कारने धडक दिल्याने तो जखमी झाल्याची घटना राहटगाव परिसरातील राजमाता कॉलनीत ७ एप्रिल रोजी घडली. याप्रकरणी नांदगावपेठ पोलिसांनी प्रवीण माणिकराव श्रृंगारे (३२, रा. कांतानगर)विरुद्ध शनिवारी गुन्हा नोंदविला. अविनाश रामकृष्ण डकरे (४७, रा. राजमाता कॉलनी) यांनी तक्रार नोंदविली. जखमीला हॉस्पिटलमध्ये दाखल करण्यात आले.