Two-wheeler hit by unknown vehicle; 1 killed, 1 seriously injured | दुचाकीस अज्ञात वाहनाची धडक; १ ठार, १ गंभीर

दुचाकीस अज्ञात वाहनाची धडक; १ ठार, १ गंभीर

मूर्तिजापूर : ग्रामीण पोलीस स्टेशन अंतर्गत येत मूर्तिजापूर - दर्यापूर या राज्य महामार्गावर लाखपूरीनजीक दुचाकीस अज्ञात वाहनाने दिलेल्या धडकेत युवक ठार झाला. तर महिला गंभीर जखमी झाली आहे. घटना शनिवारी दुपारी २ वाजताच्या सुमारास घडली. महेश सुभाष वानखडे (३२) राहणार धानोरा वैद्य असे मृतकाचे नाव आहे, सखुबाई नामदेवराव सोनोने (७०) असे गंभीर जखमी झालेल्या महिलेचे नाव आहे. 
 धानोरा वैद्य येथील रहिवासी सखुबाई नामदेवराव सोनोने व महेश सुभाष वानखेडे हे दोघेही काही कामानिमित्त एमएच ३०आर ५६७३ या क्रमांकाच्या दुचाकीने दर्यापूर येथे जात असताना दुपारी २ वाजताच्या सुमारास लाखपुरी नजीक त्यांच्या दुचाकीला विरुद्ध दिशेने येणाऱ्या अज्ञात वाहनाने जोरदार धडक दिली. या धडकेत दुचाकीस्वार महेश सुभाष वानखेडे (३२) हे जागीच ठार झाले.तर सखुबाई नामदेवराव सोनोने( ७०) या गंभीर जखमी झाल्या. घटनेची माहिती मिळताच वंदेमातरम आपत्कालीन पथकाच्या टीम त्वरित घटनास्थळी दाखल झाली त्यांनी जखमी व मृतकास येथील लक्ष्मीबाई देशमुख उपजिल्हा रुग्णालयात उपचारासाठी दाखल केले. महिलेची प्रकृती गंभीर असल्याने तिला अकोला येथे पुढील उपचारासाठी दाखल करण्यात आले आहे.

Web Title: Two-wheeler hit by unknown vehicle; 1 killed, 1 seriously injured

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.