अकोला : डाबकी रोड पोलीस ठाण्यांतर्गत गजानन नगरात ३ सप्टेंबर रोजी दुपारच्या दरम्यान अज्ञात चोरट्यांनी भारतीय सेनेतील सैनिकाच्या बंद घराच्या दरवाजा कुलूप व कडीकोयंडा तोडून आत प्रवेश केला आणि घरगुती भांड्यांसह एलईडी, होम थिएटर, मूर्तींवर हात साफ केला. याप्रकरणात डाबकी रोड पोलिसांनी गुन्हा दाखल केला आहे.
जवानाच्या घराची केली चोरी मनोहर धोंडूजी नवघरे (५५) यांच्या तक्रारीनुसार त्यांचा मोठा मुलगा मंगेश नवघरे हे भारतीय सेनेत सैनिक असून, शहनाजपूर येथे तैनात आहे. जून २०२२ मध्ये घराला कुलूप लावून ते पत्नीसह शहनाजपूर येथे गेलेले आहेत. ३ सप्टेंबर रोजी सकाळी मनोहर नवघरे यांच्या पत्नीला मुलाच्या घराच्या मागील दरवाजा उघडा दिसला. घरात गेल्यावर कपाट उघडे दिसले. चोरट्यांनी घराचा दरवाजा उघडून आत प्रवेश करून घरातील घरगुती भांडे, पितळेच्या मूर्ती, एलईडी टीव्ही असा एकूण २५ हजार रुपये किमतीचा ऐवज साफ केला. याप्रकरणात डाबकी रोड पोलिसांनी भादंवि कलम ३८०, ४५४, ४५७ नुसार गुन्हा दाखल केला.