खरिपातही सोयाबीनच्या दरात तेजी कायम!

बाजार समितीत शेतमालाची स्थिती

शेतमाल आवक दर (प्रति क्विंटल)

सोयाबीन ३७६ ७७००

हरभरा २०८ ४५००

तूर ४९७ ६१००

शेतकरी म्हणतात...

गतवर्षी अतिवृष्टीमुळे सोयाबीनचे मोठे नुकसान झाले. त्यामुळे पीक खराब होऊन पडलेल्या दरात विकले. आता दर चांगले आहे; परंतु हे दर दोन-तीन महिने कायम राहिल्यास फायदा होईल.

- वासुदेव कवळकार, शेतकरी, खिरपुरी

यंदा सोयाबीनचे पीक चांगले दिसून येत आहे. निसर्गाची अवकृपा न झाल्यास उत्पन्नही चांगले होईल; मात्र आता सोयाबीनला मिळणारे हे दर पुढील शेतमाल हाती येईपर्यंत कायम राहण्याची अपेक्षा आहे.

- अमोल पाटील, शेतकरी, शिरसोली

राखून ठेवलेल्या सोयाबीनची विक्री

खरीप हंगामात पीककर्जाला विलंब होत असताना हाती शिल्लक ठेवलेले सोयाबीन विकून शेतकरी शेतामधील निंदण, खुरपणासह खत देण्यासाठी पैशांची व्यवस्था करीत आहेत. त्यामुळे आता बाजार समित्यांत सोयाबीनची आवक सुरू आहे.