प्रवाशाचा एसटी बसमध्येच मृत्यू

Akola News संजय येनकर हे वैद्यकीय उपचाराकरीता अकोला जात असल्याची माहिती आहे.

अकोट : महाराष्ट्र राज्य परिवहन महामंडळाच्या एसटी बसमध्ये प्रवास करणाऱ्या एका प्रवाशाचा एसटीबसमध्येच मृत्यू झाल्याची घटना दि. ५ फेब्रुवारी रोजी घडली.

प्राप्त माहितीनुसार, अकोट आगाराची एमएच-०६ एस-८०४३ या क्रमांकाची विनावाहक बस घेऊन चालक ओइंबे हे अकोटहून अकोला येथे जात होते. या बसमध्ये अकोटहून अकोल्याकडे संजय रामकृष्ण येनकर प्रवासी होते. दरम्यान, अकोला बसस्थानकात बस पोहोचल्यावर बसमधील एक प्रवासी हालचाल करीत नसल्याचे आढळून आले. त्यामुळे हलविले असता त्यांचा मृत्यू झाल्याचे स्पष्ट झाले. या प्रवाशाची ओळख परेड केली असता खिशातील आधार कार्डवरून प्रवाशाचे नाव संजय रामकृष्ण येनकर असून, ते (हिवरखेड, ता. तेल्हारा) येथील असल्याचे समजले. संजय येनकर हे वैद्यकीय उपचाराकरीता अकोला जात असल्याची माहिती आहे.