Akola News | Latest Akola News in Marathi | Akola Local News Updates | ताज्यबातम्या अकोला | अकोला समाचार | Akola Newspaper

तेल्हारा : अनेकजण परिस्थितीचे भांडवल करतात. पुढे जायचे होते. परंतु पैसा नव्हता, परिस्थिती नव्हती. अशी कारणे अनेकजण सांगतात. परंतु पुढे जाण्यासाठी, यश मिळविण्यासाठी, स्वप्न साकार करण्यासाठी परिस्थिती, गरिबी, पैसा कधीही आड येत नाही. परिस्थिती कशीही असो, ती बदलता येते, परिश्रम आणि गुणवत्तेने....हेच एका छोट्याशा गावातील अल्पभूधारक शेतकऱ्याच्या मुलाने दाखवून दिले आहे. अथक परिश्रमाने अल्पभूधारक शेतकऱ्याच्या मुलाने गावातील पहिला एमबीबीएस डॉक्टर होण्याचा मान मिळविला आहे.ही यशोगाथा आहे, तेल्हारा तालुक्यातील दापुरा गावच्या प्रवीण सातारकर याची. वडील जगदीश शालिग्राम सातारकर हे अल्पभूधारक शेतकरी. त्यांना दोन मुले. आई कविता ही गृहिणी. मोठा भाऊ सचिन हा शेती सांभाळतो. लहान प्रवीण...घरी शेती केवळ पाच एकर. पाच एकर शेतीत होणारे उत्पन्न, मुलांचे शिक्षण, कुटुंबाचा उदरनिर्वाह. त्यात शेतीत होणारी नापिकी, नैसर्गिक आपत्ती अशी परिस्थिती असतानाही, जगदीश सातारकर यांनी, मुलांना शिक्षण दिले. परिस्थितीशी दोन हात करीत, त्यांनी प्रवीणला डॉक्टर करण्यासाठी परिश्रम घेतले. प्रवीणनेसुद्धा त्यांचे परिश्रम, जिद्द सार्थकी ठरविली. मुलगा डॉक्टर झाल्याने, आईवडिलांच्या डोळ्यात आनंदाश्रू तरळले. प्रवीण गावातील पहिला एमबीबीएस डॉक्टर झाला. प्रवीणचे प्राथमिक शिक्षण गावातील जिल्हा परिषदेच्या शाळेत, माध्यमिक शिक्षण मनब्दा येथील श्रीनाथ माध्यमिक विद्यालयात तर महाविद्यालयीन शिक्षण तळेगाव बाजार येथील राजीव गांधी महाविद्यालयात व पदवीपर्यंतचे वैद्यकीय शिक्षण डॉ. पंजाबराव देशमुख वैद्यकीय महाविद्यालय अमरावती येथे झाले. प्रवीणने जिद्द व कठोर परिश्रमाने एमबीबीएसची पदवी घेऊन परीक्षा उत्तीर्ण झाला आहे. त्याने इंग्रजी विषय घेऊन पदवी संपादन केली.फोटो:शेतात काम करून प्रवीणने मिळविले यशप्रवीणने शेतीची कामे करून व बसने ये-जा करून अतिशय हलाखीच्या परिस्थितीत शिक्षण पूर्ण केले. पहिल्याच प्रयत्नात त्याने एमबीबीएस परीक्षा उत्तीर्ण केली. त्याने शेतकरी आई-वडिलांचे स्वप्न साकार करीत दापुरा गावाच्या शिरपेचात मानाचा तुरा रोवला आहे.डॉक्टर होण्याचे श्रेय आईचे...प्रविणचे वडील जगदिश शालीग्राम सातारकर अल्पशिक्षित शेतकरी. आई कविता अशिक्षित असली तरी, तिनेच प्रविणची गुणवत्ता ओळखून त्याच्या जीवनाला आकार दिला. दिशा दिली. मुलगा हुशार असल्याने, तो पुढे जावा. मोठा माणूस बनावा. अशी तिची धडपड असायची. एखादी गोष्ट कुटूंबासाठी कमी करायची. काटकसर करायची. परंतु मुलाला काही कमी पडू द्यायची. तिच्या परिश्रमाची, संघर्षाची आज फुले झालीत.

Akola (Marathi News)

यामध्ये टाकळी खोज येथे २५ लाख रुपये सिमेंट काँक्रीट रस्ता, भनकपुरी येथे १५ लाख रुपये हनुमान मंदिर सभा मंडप ... ...

पेट्रोलने १०० रुपये लिटरचा टप्पा पार केला असून, डिझेल ९२ रुपये लिटर झाले आहे. ही भाववाढ अशीच चालू राहिली ... ...