अकाेला : अकोट फाईल पोलीस स्टेशनच्या हद्दीतील वल्लभनगरजवळ शुक्रवारी रात्री ८ वाजेच्या सुमारास झालेल्या एका अपघातात दोन दुचाकींची समाेरासमाेर धडक झाली. या अपघातात एक जण जागेवरच ठार, तर दोघे जण गंभीर जखमी झाल्याची घटना घडली. दुचाकीला (क्र. एमएच ३० बीएम ६९२४) समाेरून येणाऱ्या दुचाकीने (क्र.एमएच २७ बीएच ९७५६) जबर धडक दिली. या भीषण अपघातात दाेन्ही दुचाकी यावेळी येत असलेल्या एसटी बसच्या खाली गेल्या. बसचालकाचा काहीही दाेष नसताना त्यांच्याच एसटी बसखाली दुचाकी गेली़ या अपघातात अनिल गणेश अळणे, वय २३ वर्षे, रा. गोपालखेड यांचा जागेवरच मृत्यू झाला, तर त्यांचा सहकारी विशाल धर्मा सरदार, वय २३, वर्ष रा. गोपालखेड व वैभव बाळकृष्ण सूर्यवंशी, वय २४ वर्षे, रा. निंभोरा हे दोघे जण गंभीर जखमी झाले आहेत. गंभीर जखमींना अकोला येथे उपचारासाठी दाखल केले असून, उपचार सुरू करण्यात आले आहेत. घटनेची माहिती अकोट फाईल पोलीस स्टेशनला देण्यात आली असून, पुढील तपास सुरू करण्यात आला आहे.
दुचाकीच्या भीषण अपघातात एक ठार, दाेन गंभीर जखमी
By लोकमत न्यूज नेटवर्क | Published: September 18, 2021 10:52 AM