बार्शीटाकळी येथे एक किलो गांजा जप्त            

विशेष पथकाचे प्रमुख विलास पाटील यांना बार्शीटाकळीतील घरातून गांजा विक्री होत असल्याची माहिती मिळाली.

अकोला: पाेलीस अधीक्षक जी. श्रीधर यांच्या विशेष पथकाने बुधवारी दुपारी बार्शीटाकळी येथील खडकपुरा परिसरातील एका घरात छापा घालून एक किलो गांजा जप्त केला असून एका आरोपीस अटक केली. 

विशेष पथकाचे प्रमुख विलास पाटील यांना बार्शीटाकळीतील घरातून गांजा विक्री होत असल्याची माहिती मिळाली. पोलिसांनी आरोपी शेख फिरोज शेख ईस्माइल याच्या राहत्या घरात छापा मारला असता, आरोपीकडे एक किलो गांजा आढळून आला. त्याची किंमत १० हजार रुपये आहे. आरोपींविरुद्ध बार्शीटाकळी पोलीस ठाण्यात गुन्हा दाखल करण्यात आला.