उष्माघाताने महिलेचा मृत्यू

अकोला जिल्ह्यातील पिंजर येथील घटना; उष्माघाताच्या बळीची संख्या नऊवर.

पिंजर (जि.अकोला): उष्माघाताने पिंजर येथील एका महिलेचा मृत्यू झाला. दरम्यान, जिल्ह्यात उष्माघाताने बळी पडलेल्यांची संख्या रविवारी नऊवर पोहोचली आहे. उज्ज्वला बोळे (४८) हे मृत्युमुखी पडलेल्या महिलेचे नाव आहे. ही घटना शुक्रवारी घडली. मंगळवारपासून विदर्भातील काही जिल्ह्यांमध्ये उष्णतेची लाट येणार असल्याचा अंदाज हवामान खात्याने वर्तविला होता.