अकोल्याचे १२ बॉक्सर राष्ट्रीय स्पर्धेसाठी रवाना

पंजाब येथे १३ ते १८ नोव्हेंबर या कालावधीत होणार ६0 वी राष्ट्रीय शालेय मुष्टीयुद्धस्पर्धा.

अकोला : पंजाब येथे १३ ते १८ नोव्हेंबर या कालावधीत होणार्‍या ६0 वी राष्ट्रीय शालेय (१४ व १७ वर्ष मुले) तसेच तेलंगण येथे १२ ते १७ नोव्हेंबर या कालावधीत होणार्‍या १७ वर्षाखालील मुली गट व मध्य प्रदेश येथे होणार्‍या १९ वर्षाखालील मुलींच्या राष्ट्रीय बॉक्सिंग स्पर्धेसाठी अकोल्यातील एकूण १२ बॉक्सर बुधवार, ५ नोव्हेंबर रोजी रवाना झाले. या सर्व बॉक्सरांचा श्रीराम ग्रुपच्यावतीने वसंत देसाई क्रीडांगण येथे सत्कार करण्यात आला.
पंजाब स्पर्धेत आकाश सिंह, अयुब भुरा जानेवाला, नाना पिसाळ, जिब्रान खान, सचिन चौहान, राहिल सिद्धीकी, ऋषिकेश फंदाट, अजय आसेरी, तेलंगण स्पर्धेत दिया बचे, पुनम कैथवास, मध्यप्रदेश स्पर्धेत कोमल गायकवाड, सायली रोठे महाराष्ट्राचे प्रतिनिधित्व करणार आहे. खेळाडूंना राज्य क्रीडा मार्गदर्शक सतीशचंद्र भट्ट व प्रशिक्षक पुरुषोत्तम बावणे यांचे मार्गदर्शन लाभले.