- राजरत्न सिरसाट ( अकोला )
अकोला कृषी उत्पन्न बाजार समितीमध्ये हरभऱ्याचे दर मागील पंधरा दिवसांत कमी झाले असून, यामुळे हरभरा उत्पादक शेतकऱ्यांच्या चिंता वाढल्या आहेत. शुक्रवारी बाजारात ५६ क्विंटल हरभरा विक्रीला आला होता. प्रतिक्विंटल सरासरी ३९०० रुपये दर हरभऱ्याला मिळाला. आवक कमी असूनही हरभऱ्याला भाव न मिळाल्याने शेतकऱ्यांमध्ये नाराजी पसरली आहे.
बाजारात सोयाबीनचे दर गेल्या आठवड्यापासून स्थिर असून, ते वाढण्याची शेतकऱ्यांना प्रतीक्षा आहे. मागील महिनाभरापूर्वी सोयाबीनचे दर ३३५० रुपयांपर्यंत वाढले होते. या आठवड्यात हे दर सरासरी ३१९० रुपयांपर्यंत खाली आहे. दर वाढतील या आशेने अनेक शेतकऱ्यांनी घरात सोयाबीन साठवून ठेवले आहे. मात्र, दर वाढत नसल्याने शेतकऱ्यांमध्ये चिंतेचे वातावरण आहे.
यावर्षी शासकीय खरेदी केंद्र सुरू करण्यात विलंब झाला असून, अद्याप पूरक खरेदी केंदे्र सुरू झाली नाहीत; पण मागील महिन्यात बाजारातील दर प्रतिक्ंिवटल ३३५० रुपयांपर्यंत वाढले होते, त्यामुळे शेतकऱ्यांना दिलासा मिळाला होता. शासनाने सोयाबीनचे आधारभूत दर ३३९९ रुपये प्रतिक्ंिवटल जाहीर केलेले आहेत. बाजारात प्रतिक्ंिवटल सरासरी ३३५० रुपये शेतकऱ्यांना मिळत होते, तोपर्यंत चिंता नव्हती. आता दरात घट सुरू झाली असून, दर वाढतील, या प्रतीक्षेत बाजारातील सोयाबीनची आवकही घटली आहे. शुक्रवारी कृषी उत्पन्न बाजार समितीमध्ये २१६५ क्विंटल सोयाबीन विक्रीस आले होते. या आठवड्यात ही सरासरी आवक आहे. मागच्या महिन्यात हीच आवक सरासरी चार हजार क्विंटल. तर मागील आठवड्यात ही आवक घटून सरासरी अठराशे क्विंटलपर्यंत आली होती.
मागील आठवड्याचा विचार केला तर आवकमध्ये तीनशे क्विंटलनी वाढ झाली आहे. सोयाबीनच्या दरात वाढ होईल अशी शक्यता अकोला कृषी उत्पन्न बाजार समितीच्या वर्तुळात वर्तविली जात होती. शेतकऱ्यांना मात्र अद्यापही शासकीय धोरणात बदल होऊन दर वाढतील, अशी अपेक्षा आहे.
कपाशीची आधारभूत किंमत प्रतिक्विंटल कापसाच्या आखूड, लांब धाग्यानुसार ५१५० ते ५४५० रुपये होती; तथापि, डिसेंबर महिन्यात कापसाचे दर अचानक घटले असून, प्रतिक्विंटल ५०० ते ६०० रुपयांनी कमी झाल्याने कापसानेही शेतकऱ्यांची चिंता वाढली आहे. दरम्यान, तीळ या तेलबिया पिकाच्या दरात या आठवड्यात आणखी वाढ होण्याची शक्यता व्यक्त केली जात आहे. उडदाची प्रतिक्विंटल सरासरी ४५०० रुपये, मूग ५१०० रुपये, तूर ४५०० रुपये तर तुरीची आवक ५२१ क्विंटल होती. मक्याची आवक शुक्र वारी ९ क्विंटल होती तर मक्याला सरासरी भाव १८०० रुपये मिळाला. बाजरीची आवक सहा क्विंटल होती. बाजरीला सरासरी भाव अठराशे रुपये मिळाला. तर ज्वारीला सरासरी अठराशे रुपये भाव मिळाला.