८ हजार ५८६ विद्यार्थ्यांना मिळाला ‘मोबाइल शिक्षकां’चा आधार

अपंग, गतिमंद विद्यार्थ्यांना मिळताहेत शिक्षणाचे धडे.

अकोला : सर्वसामान्य विद्यार्थ्यांप्रमाणेच अपंग व गतिमंद विद्यार्थ्यांनादेखील सर्वांगीण शिक्षण मिळावे म्हणून शासनाने सर्व शिक्षा अभियानांतर्गत ह्यमोबाइल शिक्षकाह्णची संकल्पना मांडली होती. त्यानुसार सर्व शिक्षा अभियानांतर्गत जिल्हा परिषद शाळांमध्ये मागील काही वर्षांपासून ह्यमोबाइल शिक्षकांह्णची सेवा सुरू करण्यात आली आहे. जिल्ह्यात ५0 मोबाइल शिक्षक कार्यरत असून, जिल्ह्यातील ८ हजार ५८६ अपंग, गतिमंद विद्यार्थ्यांना शिक्षणाचे धडे त्यांच्याकडून मिळाले आहेत. अंध, मूकबधिर तसेच गतिमंद मुले नेहमीच शिक्षणाच्या हक्कापासून वंचित राहतात. त्यांना सर्वसाधारण शिक्षणासोबतच शारीरिक दुर्बलता दूर करण्यासाठी विशेष शिक्षणाची आवश्यकता असते; परंतु अनेकदा विद्यार्थ्यांच्या शिक्षणाचा विचार केल्यास या प्रवर्गातील विद्यार्थ्यांना नेहमीच डावलण्यात येत असल्याचे दिसून येते. या विद्यार्थ्यांनादेखील सर्वसामान्य विद्यार्थ्यांंसोबत स्पर्धेत उभे राहता यावे म्हणून शासनाने अशा विद्यार्थ्यांसाठी ह्यमोबाइल शिक्षकह्ण ही नवी संकल्पना मागील काही वर्षांंपूर्वी मांडली होती. या संकल्पनेनुसार जिल्हा परिषद शाळांतर्गत जिल्ह्यातील प्रत्येक गटसाधन केंद्रांतर्गत तीन शिक्षकांची नियुक्ती केली आहे. जिल्हा परिषदेच्या शाळांवर विशेष तज्ज्ञ शिक्षकांची सेवा सुरू झाल्याने अंध, मूकबधिर आणि गतिमंद विद्यार्थ्यांंना आधार मिळाला व त्यांनादेखील सर्वसामान्य विद्यार्थ्यांंच्या बरोबरीने शिक्षणाचा हक्क खर्‍या अर्थाने मिळायला सुरुवात झाली. जिल्ह्यात अशा विद्यार्थ्यांंना विशेष शिक्षण देण्यासाठी तज्ज्ञ मार्गदर्शक म्हणून ५0 ह्यमोबाइल शिक्षकांह्णची नियुक्ती करण्यात आली आहे. जिल्ह्यात कार्यरत असलेल्या मोबाईल शिक्षकांमुळे ग्रामीण भागातील अपंग व गतिमंद मुलांसाठी मोठय़ा प्रमाणात होऊ लागला. या शिक्षकांच्या मदतीने अंध, मूकबधिर व गतिमंद विद्यार्थीदेखील सर्वसामान्य विद्यार्थ्यांच्या खांद्याला खांदा लावून शिक्षण घेत आहेत.