.....
पाणीपुरवठा विस्कळीतच
अहमदनगर : शहराला पाणीपुरवठा करणाऱ्या पाणी योजनेची दुरुस्ती व महावितरण खंडित केलेला विद्युत पुरवठा यामुळे शहरातील पाणीपुरवठा विस्कळीत झाला असून, काही भागाला सहा दिवसांनंतरही पाणीपुरवठा झाला नाही. त्यामुळे नागरिकांची गैरसोय झाली आहे.
...
लसीकरणाचे नियोजन करण्याची भाजपची मागणी
अहमदनगर : महापालिकेच्या वतीने लसीकरण मोहीम हाती घेण्यात आली असून, लसीकरणाचे महापालिकेने नियोजन करावे. जेणेकरून नागरिकांची गैरसोय होणार नाही, अशी मागणी शहर भाजपच्या वतीने करण्यात आली आहे.
....
मनपाची कारवाई सुरूच
अहमदनगर : कोरोनाच्या पार्श्वभूमीवर लागू करण्यात आलेले निर्बंधांचे पालन नागरिकांकडून केले जात नसल्याने महापालिकेच्या वतीने सुरू करण्यात आलेली कारवाईची मोहीम सुरूच आहे. शहरातील दुकानदार व भाजी विक्रेत्यांवर कारवाई करण्यात येत आहे.
...
पेट्रोल न मिळाल्याने रुग्ण व नातेवाइकांची धावपळ
अहमदनगर : कोरोना रुग्णांना रुग्णालयात दाखल करण्यासाठी नातेवाइकांची धावपळ सुरू असते. रुग्णालयांचा शोध घेण्यापासून ते औषधे व जेवण पोहोच करण्याचे काम नातेवाईक करत असून, त्यांनाही पंपावर पेट्रोल दिले जात नाही. त्यामुळे रुग्ण व त्यांच्या नातेवाइकांची गैरसोय होत असून, याबाबत प्रशासनाने निर्णय घ्यावा, अशी मागणीही पुढे येत आहे.
...