शिरापूर ग्रामपंचायत, सेवा संस्था बिनविरोध

निघोज : पारनेर तालुक्यातील शिरापूर ग्रामपंचायत, सेवा संस्थेची निवडणूक बिनविरोध झाली. येथे बिनविरोध निवडीची परंपरा ३० व्या वर्षी कायम राहिली.

ज्येष्ठ नेते जि. प. पशुसंवर्धन समितीचे माजी सभापती मधुकर उचाळे यांच्या मार्गदर्शनाखाली ग्रामपंचायत व सेवा संस्था निवडी बिनविरोध पार पडल्या.

ग्रामपंचायत सदस्यपदी रखमा उचाळे, हनुमंत भोसले, संतोष नरसाळे, अस्मिता उचाळे, जान्हवी उचाळे, जयश्री वडणे, लीलाबाई शिनारे, किरण खामकर, कैलास उचाळे, ललिता चाटे, तंटामुक्ती अध्यक्ष भाऊसाहेब येडे यांची निवड करण्यात आली. सेवा संस्था संचालकपदी

सचिन शिनारे, दत्तात्रय नरसाळे, गोविंद चाटे, संदीप खाडे, शिवाजी दाते, शहाजी उचाळे, संतोष गुंजाळ, मच्छिंद्र उचाळे, ज्ञानेश्वर साळवे, उषा गाडगे, सोमनाथ उचाळे, पांडुरंग वडणे, संतोष दाते यांची निवड करण्यात आली.

सर्व नवनियुक्त पदाधिकारी यांचे माजी सरपंच जान्हवी उचाळे, उपसरपंच संतोष शिनारे, सेवा संस्था माजी अध्यक्ष दिनेश लोणकर, उपाध्यक्ष मल्हारी शिनारे आदींनी सन्मान केला.

फोटो : २१ शिरापूर

शिरापूर येथे ग्रामपंचायत, सेवा संस्थेच्या बिनविरोध निवडीनंतर नव्या सदस्यांचा सन्मान करण्यात आला.