विसाव्या वर्षी यज्ञ उत्साहात

शिर्डी : येथील साईभक्त लक्ष्मीबाई शिंदे ट्रस्ट यांच्या वतीने दरवर्षीप्रमाणे श्री साईलक्ष्मी यज्ञ यावर्षी कोरोनाच्या पार्श्वभूमीवर अटी व शर्ती राखत मोठ्या उत्साहात संपन्न झाला. यज्ञाचे हे विसावे वर्ष होते. श्री साईभक्त लक्ष्मीबाई शिंदे ट्रस्टच्या वतीने दरवर्षी श्री साईलक्ष्मी यज्ञ केला जातो. मात्र यावर्षी कोरोनाच्या पार्श्वभूमीवर गर्दी टाळण्यासाठी अटी व शर्तीचे पालन करत यज्ञाचे आयोजन करण्यात आले होते. स्वर्गीय लक्ष्मीबाई शिंदे यांची नात शैलजा शिंदे- गायकवाड व गायकवाड परिवारातर्फे गेल्या वीस वर्षांपासून श्री साईलक्ष्मी यज्ञाचे आयोजन करण्यात येते. ती परंपरा यावर्षी ट्रस्टचे विश्वस्त अरुण गायकवाड, संगीता गायकवाड, साईराज गायकवाड व भक्तपरिवाराने कायम राखली. याप्रसंगी जितेंद्र शेळके, अजित पारख, नगरसेवक अशोक गोंदकर, अमित शेळके, काकासाहेब कोते, जितेश लोकचंदानी, साईराज गायकवाड, यशराज गायकवाड उपस्थित होते.