पारनेरमध्ये वीज कोसळून शेतक-याचा मृत्यूअहमदनगर : जिल्ह्यात दोन दिवसांपासून विजांच्या गडगडाटासह पाऊस हजेरी लावत आहे. पारनेर तालुक्यातील एका शेतक-याचा वीज पडून मृत्यू झाला. राहुल बाळासाहेब पवार (वय - ३३, रा.कोहकडी ता.पारनेर) असे मृत शेतक-याचे नाव आहे. कांदा झाकण्यासाठी पवार शेतात गेले होते. दुपारी दोन वाजण्याच्या सुमारास ही दुर्घटना घडली. आज दुपारपासून जिल्हाभरात विजांच्या गडगडटासह पावसाने हजेरी लावली. ग्रामीण भागातील शेतक-याचे मोठे नुकसान झाले. शनिवारी मध्यरात्रीही जिल्ह्याच्या अनेक भागात जोरदार पावसाने हजेरी लावली होती. शहरामध्ये पहाटेपर्यत वीजपुरवठा खंडीत झाला होता.
पारनेरमध्ये वीज कोसळून शेतक-याचा मृत्यू
By लोकमत न्यूज नेटवर्क | Published: April 14, 2019 6:15 PM